沈卓盈正式榮升靚媽 母親節前誕下6.2磅小Jayden

更新時間 (HKT): 2021.05.20 19:22

恭喜沈卓盈正式加入新手媽媽行列,日前誕下重6.2磅的小Jayden!她今日在IG分享與經營內衣生意的富商老公杜灝標(Calvin)及囝囝一家三口、穿上粉藍色家庭裝的溫馨合照, 沈卓盈在帖文寫道:「想不到小小的寶寶,卻有大大的喊聲,爸爸剪臍帶好鎮定,媽媽成個過程就好緊張。」她表示見到寶寶一刻很感動,亦感恩生產過程一切順利:「現在媽媽和寶寶都很好,感謝Dr Lee和細心護士姐姐們的照顧,真正的長途戰現在正式開始。」不少同樣已是媽媽級的圈中人,梁麗翹、宋熙年、Coffee林芊妤、陳凱琳及許芷熒等留言祝賀,相信她們很快可以組媽媽團,交流湊B攻略。

沈卓盈說:「為我接生嘅姑娘話BB喊聲好響亮,老公陪我入產房開刀分娩,仲親手為BB剪臍帶。成個過程她順利,生嘅時候真係好緊張,當聽到BB喊聲同見到佢嗰刻,忍唔住喊起嚟,老公同我一齊見證BB出世呢個寶貴時刻,真係好感動!屋企人話BB嘅額頭同嘴仔似爸爸,對眼同個鼻就似我,我覺得BB睡覺果時好似爸爸,眼仔碌碌嘅時候就好似我。」她表示未有特別上堂學湊B,只是邊湊邊學,身邊的朋友亦給她大量溫馨提示,她說:「我已經有晒心理準備,第一次幫BB換片嘅時候,佢已經請咗我同老公飲茶,一日請咗2次,真係又狼狽但又好好笑,雖然而家湊B比較辛苦,又攰又唔夠訓,但係每一個過程都好享受同開心。 而家只希望健健康康,食得又瞓得。自己都為Baby Jayden做好晒準備,經歷人生另一個新課程。」沈卓盈其後回覆《蘋果》表示,囝囝於母親節前出世,直言是最好的母親節禮物。

自今年元旦,她在社交平台分享喜訊後,不時大方分享又靚又性感的孕照,上月生日時更到酒店staycation兼影靚相,陀住8個月BB的她手腳仍然纖瘦,令人羨慕。而且,Calvin對太太亦寵愛有加,拍照時為她充當助手之餘,亦不介意擔當「人肉道具」,陪住沈卓盈周圍去、周圍影。如今終於與小Jayden見面,當然要好好留住珍貴時刻,相中沈卓盈望着BB,被老公從後抱住,三人從此展開新生活,幸福之情不言而喻。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner