C AllStar 7月紅館集合 上演360度零死角騷肌騷

更新時間 (HKT): 2021.05.20 10:30

C AllStar休團3年後宣佈重組,並將於7月24及25日舉行組合的第3個紅館演唱會,首次以4面台表演,4子梁釗峰(釗峰)、陳健安(On仔)、何建曦(Jase)及吳崇銘(King)笑言要鍛煉好全身肌肉,零死角照顧4面觀眾,4人被分配展露不同的身體部位,On仔笑說:「第一次做4面台,避冇可避嘅狀態,Jace負責股肌、釗峰負責腹肌、King條腿OK,似女人線條,佢可以着中性啲着絲襪;我就露得太多嘞,我就負責露背脊啦。」除了拿手的歌聲,還關心歌迷的視覺享受,認真唔話得!大隻仔On仔笑言未有資格當教練,但一定會一路鞭策隊友。

演唱會以「集合」為主題,大部份演唱組合的歌曲,重回音樂的本身,注重音樂的編排上,他們更坦言會將3年來單飛所得到的力量呈現給大家,他們說:「除咗我哋集合,仲集合埋C Allfans,互相畀能量大家,新、舊歌迷陪住我哋走過唔同難關,過程中互相支持。」提到今次集合後,組合將來的定位,C AllStar表示不需要在名字上有特定一個框架,他們說:「今年我哋會完成專輯,未來未有落實計劃,唔需要特別定義係休團或係完整。」至於疫情下開騷,他們亦已有心理準備,續說:「暫時都係坐7成半,今日唔知聽日事,交畀上天同團隊,交畀公司處理,唔到我哋做,相信得嘅!準備咗一定唔會嘥。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner