add名人時尚 | MIRROR Anson Kong、Ian帥氣現身FENDI CAFFE

更新時間 (HKT): 2021.05.20 21:00

Fendi 於尖沙咀海港城開設FENDI CAFFE期間限定咖啡店,帶來與紐約視覺藝術家Sarah Colemen合作的Summer Vertigo Capsule Collection。人氣男團MIRROR成員陳卓賢(Ian)和 江𤒹生(Anson Kong)、歌手陳凱詠(Jace Chan)、陳毅燊(ANSONBEAN)、張進翹(Manson Cheung)、盧慧敏(Amy Lo)等今日現身限定店開幕活動,惹來不少粉絲到場,埸面十分熱鬧。

一改平日斯文風格的Ian,一身FF Vertigo圖案total look,他說:「我好鍾意今日嘅造型,大家平日見我通常冇咁型格,多數着西裝、恤衫,但今日全身好多pattern,好signature但又好型格,自己好少嘗試full pattern,所以今日幾開心。」又分享平日的夏日打扮以簡單為主, 「香港天氣比較濕熱,所以都係簡單T恤、短褲,但有時都鍾意有啲layer,好似今日件外套本身係長袖,但又可以變做背心,所以都好適合夏天着。」Anson Kong則以白色恤衫搭配彩藍色長褲,搶眼度十足,「我好鍾意呢個藍白嘅配搭,好似藍天白雲,着上身感覺好輕鬆。」他夏日必備item是短褲,「夏天我會揀一條靚短褲去襯一對colourful波鞋,上身以舒服淨色tee為主。」

問到剛完成演唱會,心情會否有點空虛?Ian說笑指還好,「慶幸大家都好關注我哋,演唱會後都有其他工作機會,所以依然保持喺一個工作中嘅狀態,可以keep住忙都好開心。」他亦透露正在錄新歌,「自己有份作曲嘅作品,同以往都有唔同,之前以慢歌為主,今年會重beat、型格路線,係時候自己有一個轉變。」Anson卻表示極為空虛,又笑說完騷第一天立即打邊爐,「我真係好耐冇食嘢,準備演唱會大家都要on diet,差唔多個幾月冇啖食。」最後也表示即將會有新歌。

Fendi 由即日起至6月底開設「Fendi Caffe」限定店,展出的Summer Vertigo Capsule Collection系列,充滿夏日戶外氣息,以獨特扭曲效果演繹經典FF Logo,並以黃色、藍色、彩色展現出活力感。除了服飾、手袋、小皮具等,更有帳篷、滑板、滑浪板,以及與Polaroid聯名的即影即有相機。另外提供飲品與小點心,為大家帶來最新的打卡好去處。

【Marimekko 70週年限定店】

芬蘭品牌Marimekko為慶祝70周年,特別由即日至月底於金鐘太古廣場開設限定店,店內陽光明媚,充滿各種奪目印花,猶如置身夏日市集。為配合慶祝主題,特別呈獻充滿歡樂色彩的士多啤梨印花圖案,包括士多啤梨、士多啤梨山脈,注入連身裙、T恤等不同服飾設計,以及家居產品中,非常可愛。

為配合慶祝主題,特別呈獻充滿歡樂色彩的士多啤梨印花圖案,包括Mansikka(士多啤梨)、 Mansikkavuoret (士多啤梨山脈),注入連身裙、T恤等不同服飾設計,以及家居產品之中,非常可愛。本季的其他重點印花還有換上藍色的經典的UNIKKO圖案、由1960至1970年代Majia Isola設計的 Appelsiini (橘子)、 Kaarina Kellomäki 的 Linssi (鏡頭)印花等,同樣為夏日帶來煥然一新的清新感覺。 值得一提,繼早前推出的黑白UNIKKO(罌粟花)圖案70週年限定杯套裝後,踏入生日月份亦推全新的粉色組合。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner