李綺雯與健身教練男友拍拖一周年放閃:恩准你繼續陪我

更新時間 (HKT): 2021.05.21 22:52
IG圖片

李綺雯(𡃁妹)去年4月約滿大台離開,結束14年賓主關係,由於在職時曾在社交網發表政見遭大台掟入雪櫃,𡃁妹完約即離開,樂得自由接job,回復由身卻撞正疫情,她雖然事業發展未如理想,但感情上卻遇到一個錫到燶的男友Ocean,對方是健身教練,過去一年的工作都受疫情影響,但二人一直互相扶持,昨日更慶祝拍拖一周年,他們分別在IG貼相放閃。

𡃁妹在IG貼出大隻佬男友Ocean把她抱起的相片,並留言:「多謝你carry我。一年前懶浪漫,話要每個月20號都要香港遊一下,搵個地方影番相,睇下我fit咗定Ocean大隻咗。結果由一個月一張變成一年一張,希望之後唔好變成4年一次,10年一次,再下次都骨質疏鬆。多謝你俾我同化咗,工作以外,懶而不浪漫,形式化嘅嘢都係唔啱我哋,每日都開開心心,舒舒服服的生活,隨心而行先啱我哋。多謝你接受我對工作嘅堅持,對生活嘅隨意,請繼續carry我。」誰說大隻佬男友Ocean不浪漫,他形容二人拍拖周年日是女王紀念日:「有限的我,成就無限的我們,感恩呢一年有你相伴。I love u。」𡃁妹鬼馬回覆男友:「很好,本宮表示很滿意,恩准你繼續陪我。」Ocean秒回:「收到,喳!」

-

----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner