鍾培生承認林鍾一戰收入比預期多 林作:佢係掠水我係撲水

更新時間 (HKT): 2021.05.21 17:57

鍾培生與林作今日到旺角為下月播映的網上直播節目宣傳,兩人將在節目中鬥體能、應變及口才。他們在活動上繼續隔空口水戰,鍾培生取笑林作身為大律師,打3場官司亦輸掉,林作說:「頭先行過嚟,好多人搵我合照,以後我哋影合照嘅口號,就係打X鍾培生。」女友裕美亦有到場支持。

鍾培生受訪時提到林作早前首場拳賽的表現,他說:「佢啲步伐唔靈活、啲拳係亂揈、個呼吸唔好,睇到佢好緊張,咁我都想佢畀觀眾睇到啲好嘢。」他大口氣表示希望拳賽當日「有得打吓」。對於網民有指林鍾之戰純屬掠水,今日兩人又接受網上直播節目邀請,密密孖住吸金,鍾培生說:「我唔會理啲網民,因為好多人支持我,我冇時間理啲haters。」他坦言9月之戰帶來的收入比他預期多,更直言是近來「最大娛樂盛事」,他說:「幕後拳手、團隊都要出糧,嘉賓都要錢,總之識欣賞嘅人,我多謝佢哋,唔識嘅我都冇時間理佢哋。」鍾培生表示賺得越多,幕後團隊的酬勞亦會加碼。

林作與裕美齊齊受訪,積極備戰的他,身型越來越弗,問林作有否緊張?他笑謂:「緊條毛吖,仲有4個月,而家嘅進度超越預期。」至於鍾培生狂數他早前的拳賽表現,林作說:「嗰啲係流料,只係做個效果出嚟,未攞晒啲實力出嚟,唔可以用嗰個作為基準。」對於鍾培生取笑他打官司全輸,林作指對方跟無知的網民一樣:「都係人云亦云,大家知我實力啦,我睇佢都係表面輕敵,內裏淆底。」關於被指掠水,林作鬼馬地說:「佢係比較掠水,我係撲水,我諗好多人都心甘命抵課金畀我。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner