能量中心選址鳳姐隔籬 
七仙羽自爆遭老師傅眼紅落降

更新時間 (HKT): 2021.05.21 02:00

曾有「Ball場風水師」之稱的七仙羽,近日不時參演ViuTV節目,包括《鬼同你上位》及《考有Feel》等,她還在近日的《ERROR自肥企画》中,跟「肥仔」梁業和「阿Dee」何啟華到大埔靈探,其流利的英語對白也成為網民熱話,有指因她有外籍男友;七仙羽的半鹹淡廣東話最近讓她踩入廣告界,成為「譚仔阿姐」。日前七仙羽在其位於深水埗的正能量中心接受訪問,原來中心周遭人流復雜,位處街市及茶餐廳附近,要到位於唐三樓的中心,更需要經過「一樓一鳳」。

說服小姐多念經

對於中心選址,七仙羽直言:「我冇乜好驚,啲小姐都有上嚟拜佛,有啲都唔想做呢行,但做雞咁好搵,當然佢哋都有貪婪,呢個係人性,咁我只可以慢慢說服佢哋多啲念經,將來轉正行。」七仙羽又指選址是因為方便行善:「我可以喺中環同其他地區,但做慈善唔係好方便。之前搵深水埗明哥一齊派飯畀有需要嘅人,直接去齋舖訂飯盒,有時見到邊一檔啲生意差,我就去買嘢派畀街坊,希望可以改善吓街坊生活,等啲舖頭生意好,慢慢建立好關係。」

七仙羽大學主修新聞系,碩士主修商業管理,畢業後曾在法新社、美國之音及台灣TVBS等機構做記者,其後搖身一變成為法科師傅,再走入電視圈,人氣越來越高。不過同行如敵國,七仙羽稱試過被其他師傅眼紅而「落降」,她說:「15年前已經有拍電視同寫專欄,又有寫啲男女感情,喺啲網站排名榜排第十名,但啲老師傅好嬲,試過落我降頭,不過我冇乜感覺,只係有少少發燒。」七仙羽表示遭同行下降,內心難免有點不開心,但對她而言,能夠用自己的法力去幫助人,當然另有一番感受。

做鴕鳥懶理負評

經歷過後,七仙羽也有所啟發,面對網民的惡意批評,她絕不介懷及反擊,反而是用自己的慈悲去化解。近年不少港人因民生、經濟及自身問題而負能量纏身,七仙羽寄語:「唔好向出面求,應該係內求 ,舉個例子,好多人鬧我,如果我睇完呢個訊息,一定會影響我情緒,如果我唔睇,咪唔會影響到我,我就好開心喇!總之你自己內心開心咁咪得,唔好理其他嘢。當然你會講,咁咪係鴕鳥,將個頭匿埋喺個窿入面,唔係唔理,係選擇性理。」

娛聞樂陪你走遍全球追星,即Like「娛果」FB 專頁!
BannerBanner