【娛樂人物】《造星II》三子成軍 向MIRROR偷師 PIX3L:自由好緊要

更新時間 (HKT): 2021.05.22 02:00
■《全民造星II》出身的(左起)George、Phoebus與Marco組成三人男子跳唱組合PIX3L。

男子跳唱組合PIX3L(讀音:Pixel)由《全民造星II》出身的吳啟洋(Phoebus)、歐鎮灝(George)與葉振弘(Marco)組成,去年獲環球唱片賞識簽約,成軍後繼續追夢。他們第二首新歌主題講自由,三人更分別詮釋自由可貴,Phoebus慶幸做的是喜歡的工作,令他享受真正的自由,George則指有自由才可發揮創意,Marco最感恩家人給予空間。

繼今年1月推出《Braceless》後,PIX3L最近籌備新歌,三子日前到新蒲崗排舞,George說:「公司今次搵咗外國嘅producer,佢專門出產J-pop同K-pop,我哋第二首單曲係跳舞歌。我好鍾意K-pop,組成PIX3L好幸福,三個人上台有三份信心,係好正嘅事。」

要有空間發揮

Phoebus指新歌的主題是「自由」,三位年輕人深感自由可貴,Phoebus說:「尤其我哋呢個年紀、呢個階層,係好需要自由。好似以前讀大學,讀書唔係自己最鍾意嘅嘢,去到𠵱家可以做啲自己鍾意做嘅嘢,就真正感受到自由。」George坦言:「自由好緊要,身處呢個環境,有自己空間先可以發揮出自己嘅創意。」Marco則謂:「好幸運我屋企都畀好多空間我,所以比較自由,做自己鍾意做嘅嘢,真係正!」身旁兩位隊友爆Marco是有錢仔,故特別多自由。

姜濤值得學習

三子年紀輕輕,謙虛有禮,在MIRROR演唱會上主動向鄭裕玲(Do姐)打招呼,令Do姐在電台節目開名大讚,他們笑言很榮幸,希望有機會上Do姐節目分享。

提到MIRROR與ERROR的成功,Phoebus說:「香港有MIRROR係好事!睇MIRROR演唱會變咗小粉絲,多咗人留意香港音樂,見到男子組合又會諗起我哋PIX3L。姜濤處事、態度同舞台上嘅諗法好值得我哋學習。」他們戥師兄們開心更不時偷師,Marco表示:「佢哋實力好強,教到我哋好多嘢。」George則認為師兄們給他很大的推動力︰「睇完Anson Lo(盧瀚霆)喺演唱會唱《Ego》,覺得佢成個人唔同晒,感受到嗰份努力,好感動。」

娛聞樂陪你走遍全球追星,即Like「娛果」FB 專頁!
BannerBanner