狗仔出更丨黃德斌何啟南街頭爭風呷醋互毆 麥明詩「上車」負債自嘲樓奴

更新時間 (HKT): 2021.05.22 22:32

麥明詩、黃德斌、麥子樂及何啟南今日在中環拍攝網劇《逐流時代》,吸引數十人圍觀。最近榮升業主的麥明詩在現場「萬歲」,請工作人員食水果,麥子樂即恭喜她置業,麥明詩卻說:「唔好咁講,其實你恭喜我孭債,大家都明嘅,只不過令我變樓奴,但係多謝大家,冇話恭唔恭喜,只係生活需要,又可以負擔到,希望一步一步嚟,第時自己家庭有個聚腳點。」話口未完,她似是擔心被誤會,急作補充:「但未有家庭。」問到買樓前有否咨詢男友意見?麥明詩笑說:「我邊有男友,我男性朋友都成日轉,冇得問呢啲嘢。」

麥明詩指與哥哥各買了一個單位:「左右兩個單位,個諗法係有需要時大家可以互補。第二時有幸有另一半,大家合力換一個再舒適啲地方,到時睇家庭經濟環境,想同爹哋媽咪住得近啲,第二時有小朋友都會幫手,但而家絕對係冇㗎(小孩)。諗實際問題,當然而家想買爹哋媽咪離籬嘅樓係冇呢個能力,一步一步喺自己承擔到嘅範圍,而家有返工收入比較隱定,有信心供到層樓。」

何啟南太太監場調情戲

同場的何啟南正拍攝一場在街頭與低胸艷女的調情,劇情講述他與艷女交頭接耳之際,被穿上西裝打扮西正的黃德斌發現,隨即將他推倒在地拳打腳踢。何啟南的太太也有到場探班,原來這是何太第一次在老公拍戲時去探班,問到是否特意來監場?何太表示:「唔係,第一次想嚟睇吓,呢啲(調情戲)都冇所謂。」而何啟南也指很簡單的一幕戲,事前無向太太備案。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner