林作、鍾培生同場再掀口水戰

更新時間 (HKT): 2021.05.22 02:00
■鍾培生與林作昨日齊齊出席節目宣傳,二人繼續在場中互數對方。

鍾培生與林作昨日到旺角為下月播映的網上直播節目宣傳,在活動上兩人繼續口水戰,鍾培生取笑林作身為大律師,打三場官司全數輸掉,林作反擊說:「頭先好多人搵我合照,以後我哋影合照嘅口號,就係打X鍾培生。」

鍾培生受訪時大數林作早前首場拳賽的表現,更大口氣表示希望拳賽當日「有得打吓」。對於網民有指鍾林之戰純屬掠水,鍾培生說:「我唔會理啲網民,因為好多人支持我,我冇時間理啲haters。」而積極備戰的林作,身形越來越弗,問林作有否緊張?他笑說:「緊條毛吖,𠵱家嘅進度超越預期。」至於鍾培生狂數他早前的拳賽表現,林作說:「未攞晒啲實力出嚟,唔可以用嗰個作為基準。」又指對方誤信他官司全部敗陣:「人云亦云,我睇佢都係表面輕敵,內裏淆底。」

娛聞樂陪你走遍全球追星,即Like「娛果」FB 專頁!
BannerBanner