193新歌YouTube三日破60萬 蒸眼面膜Box Set成DJ大愛

更新時間 (HKT): 2021.05.22 14:45

有網民說,ERROR的193(郭嘉駿)自從講出真話,一語道破友台所謂的「收視論」,以及40歲人仍叫後生仔後,就如製造了蝴蝶效應,不但令ERROR早年播出的節目《花姐ERROR遊》和《ERROR自救TV》系列成功在網上翻hit,亦令原本因失言而被雪藏的隊友保錡翻身,同時多了不少原本不認識ERROR的觀眾,留意ERROR四位隊員的動向,當中人氣爆升的193,IG followers比起個多月前足足翻了幾倍,現時直逼35萬,比起人氣王姜濤足足多出6萬有多,亦令一直夢想能夠出Solo單曲的193願望成真,近日他在《ERROR自肥企画》節目中,自肥成功推出處男單曲《睡到三點》,歌曲放上YouTube僅三日,現時已超過60萬views,更一度成為熱爆短片第一位。

乘勝追擊的193,日前將新歌派台,派台Box Set就用咗貼上自己扮綾波麗嘜頭的日本蒸眼面膜,頓時成為商台DJ的熱捧新寵,其中少爺占就講笑話:「呢條高佬我一定支持,等我寫錯佢啲嘢睇吓佢會唔會鬧我先!」又叫193努力賺錢買樓。而雪雪BB(盧覓雪)就拎着193新碟影相放上IG,DJ Oscar大讚Box Set絕對可以入選十大最佳派台宣傳品。

小儀讚保錡乖

至於綽號「快吞轟」的保錡,原本因偷食沙律(張沛樂)事件和爆粗鬧網民,被網民圍剿,成為「負皮王」,不過他在《ERROR自肥企画》節目中,被安排接受三大挑戰,包括「玩搖搖」、「片石仔」及「彈結他」,憑着決心和熱血,終獲網民原諒,在自肥項目完結後,保錡對着鏡頭真情流露說:「呢個地方好難捱,可能俾人鬧、又俾人抨擊,但係好開心,無論點都好,都係你哋(無制限OT編集団)帶我出嚟。」真誠態度終於令他徹底翻身,有網民直言看完節目後,對他完全改觀,並欣賞他努力不懈的精神。就連和保錡在《考有feel》合作過的小儀,亦留言鼓勵他「熱血到叫人毛管戙!respect!你係乖嘅,我知道!」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner