駱振偉未收《Chill Club》開騷消息 待通知狀態:可能我冇份

更新時間 (HKT): 2021.05.22 18:56

C AllStar今日去到ViuTV的九龍灣錄影廠,為音樂節目《Chill Club》錄影,而主持則有布志綸(Alan)及駱振偉(Thor)。Thor的好友兼同學陳積榮(Jeff)日前病逝,Thor透露會幫手辦治喪委員會,他說:「我哋成班同學都好錫Jeff,佢同我一齊入娛樂圈,佢走嗰一晚,成班朋友都有陪佢,應該好滿足,佢女友心情OK,計劃為Jeff搞相展。」

頭痕無歌可唱

對於有傳《Chill Club》會在下月舉行演唱會,身為節目主持的Thor表示未曾聽聞,他笑說:「 我完全未聽過,我有聽聞過流言,有可能我冇份,唔需要通知我,詳情可能要等大會講。」Thor被問到萬一舉行演唱會真的沒有預他會怎麼辦?他說:「咁又唔可以話失望,有當然開心。睇個搞嘅形式係點,平時觀眾都聽我唱歌都聽得多,始終主持人間中都會唱兩咀,演唱會叫我唱都唔知唱咩歌,希望到我唱嘅時候有新歌出。」

至於揸主持棒的Alan,今日錄影第3集,他說:「第一次做主持,今日係錄影第3集,初頭唔想影響進度,之前過份準備,所以導致好緊張,而家識得放鬆啲,自己好欣賞Joey Tang band。」有傳舉辦《Chill Club》演唱會,Alan說:「唔知道會搞演唱會,不過佢哋唔使做歌都可以搞,自己同《Chill Club》都有淵源。」同場的C AllStar亦表示,沒聽聞《Chill Club》舉辦演唱會,他們說:「但係都好期待,因為佢哋認真製作,睇得好開心,自己都希望可以參與咁高質素嘅音樂演出。」

On仔收朋友求票來電

另外,C AllStar將於7月24及25日假紅館舉行演唱會,現正積極開會籌備。On仔笑言,不少久未聯絡的朋友都找他,表示想睇演唱會,On仔說:「我哋搞演唱會希望畀到正能量大家,團結就是力量。」他表示已經操弗至高僧身形:「高僧size少肉,至於騷唔騷肌就到時再算。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner