余慕蓮出院接近一個月 汪曼玲探望:精神好,只係唔行得

更新時間 (HKT): 2021.05.22 18:55

現年83歲的資深演員余慕蓮(魚毛),於去年11月因肺纖維化入院,曾一度入ICU需插喉及用呼吸機。她在醫院留醫接近半年,上月26日終可以出院,當時魚毛表示︰「我而家返屋企,好開心呀!」並多謝大家關心。

魚毛出院至今接近一個月,今日資深傳媒人汪曼玲到魚毛家中探望她,之後汪曼玲在社交網貼了與魚毛及友人的合照,並寫文講述魚毛的最新狀況。《蘋果》致電問汪曼玲,她表示見魚毛身體狀況越來越好,感到安心,她還說︰「魚毛精神好好,只係唔行得。」

汪曼玲透露不敢打擾魚毛太久,只逗留了5分鐘,她說︰「我同朋友Susanna去探佢,唔敢逗留太耐,只係留咗5分鐘,唔想佢咁攰。我哋已經半年冇見,仲同佢約定,等佢精神再好啲,同佢出去食飯。」談到魚毛的身體狀況,汪曼玲表示︰「佢講嘢好清晰,比起之前佢剛剛出院時,已經好好多,而且對答如流,眼又有神,佢之前要食流質嘢,而家可以食番啲普通嘢,(有沒有瘦了很多?)差不多啦,唔覺佢瘦咗。」令汪曼玲感安慰,就是魚毛的工人姐姐,照顧得不錯,「佢而家唔行得,落地要用腳架,佢張床旁邊有個鐘,撳鐘叫姐姐,夜晚佢間房唔會閂,有咩事可以叫到工人姐姐。佢個工人姐姐好好,佢一日煮兩餐畀魚毛,屋企又打理得好乾淨,如果佢放假就會搵人接替,我哋都安心。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner