羅霖陳昭昭捐私伙首飾拍賣 望能做善事幫人又幫己

更新時間 (HKT): 2021.05.23 14:21

羅霖今日獲陳昭昭邀請,在九展出席藝術及收藏品博覽會,兩人均有捐出私伙首飾出來拍賣,拍賣所得的20%將會捐給柬埔寨的孤兒,羅霖捐出碧綠翡翠頸鏈,底價7位數字,昭昭捐出紫玉翡翠,底價20萬元。昭昭指在疫情下,地產及公關公司生意大受影響:「我公司做大灣區地產,生意下跌咗9成,因為我啲客都上唔到去,每個月自己支出幾十萬,好彩疫情前好好生意,所以而家食老本,可能頂到今年年尾。」昭昭指爸爸在柬埔寨生活,由於當地疫情嚴重,她指這一年只能靠視像與爸爸見面。

羅霖透露前晚由內地返港,她大叫好彩:「前晚返仲可以唔使隔離,但今日唔可以『回港易』;今次我喺內地兩個月係拍廣告同出席活動,其實兩邊走都係兩難,雖然可以搵到錢,但我擔心媽咪身體,其實內地有媒體斟我,叫我留內地一年,但我唔想留一年,因為媽咪肝癌,佢做完手術復原得唔係咁好,所以我要睇住佢。」羅霖指今次在內地因患了急性食物中毒和腸胃炎,幸好當地有三位女性朋友照顧,她笑指希望快點找到另一半,可以照顧自己。

經常到內地工作的羅霖,她表示已預約私家醫生在月尾為她接種科興疫苗,不過羅霖現時仍在考慮中,她說:「5月15日內地出咗新疫苗,呢隻新疫苗只需要打一針,我好想打呢隻,始終係改良咗,希望香港可以引入呢隻疫苗。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner