ViuTV再玩另類選美真人騷 《造美人》整容、大腩、粗腰由最醜出發

更新時間 (HKT): 2021.05.23 13:28

《ERROR自肥企画》口碑超出預期,令ViuTV的綜藝節目再被睇高一線。正當對台高層曾志偉,揚言要將《香港小姐》重新塑造「美貌與智慧並重」形象;ViuTV卻反其道而行,繼《口罩小姐》後,又玩另類選美真人騷《造美人》,由強尼、沈殷怡和練美娟(娟姐)做主持,並邀請熊黛林和葉翠翠擔任節目評審,最終造美人冠軍的女仔,將會得到總值二十多萬的獎金和獎品。

ViuTV的facebook專頁昨日首度公開16位參加者的相片,大半身和全身相各一張,穿上純白色的瑜伽運動服,部份參加者的身形缺陷,如平胸、粗腰、凸肚腩、粗腿等均無所遁形。參加者的樣貌亦被網民評頭品足,她們完全不介意淡妝上陣,還透露自己曾經「改造」過的地方,編號1的劉芷橋今年30歲,曾經整過雙眼皮、隆鼻和箍牙;編號2的張育玲(Kathy)今年31歲,報稱做Model,亦承認有打肉毒桿菌和透明質酸;編號4的歐陽玉婷被指似「夏蕙BB」,今年28歲,是一位全職媽咪,雖然曾經打雀斑針和去皺針,但對自己全身上下都好唔滿意。不過亦有純天然樣,帶點混血兒樣的8的林珊妮只有23歲,報稱待業,但沒有任何改造過的地方。

今次真人騷明顯是要將參加者由「低谷」出發,再慢慢改造成美人,所以第一炮亦唔介意拿自己最「醜」一面示人。ViuTV的FB專頁留言:「嶄新選美節目《造美人》經過節目組精挑細選之後,終於選出最終16強!佢哋將會於6月7日(星期一晚) 9:30挑戰自己,亦都挑戰你眼球,一齊用自己嘅後天努力,令自己由外靚到內,增強自信,人人都可以展現後天美!一齊期待佢哋蛻變嘅過程,一齊邊睇邊努力!」

強尼首見參賽者:大家都好冇自信

主持強尼今日接受《蘋果》電話訪問,透露一班參加者在初選時不太清楚節目會怎樣為自己改造,他說:「之前有睇過佢哋嚟面試啲片,但佢哋都冇乜概念我哋會點做,可能佢哋會以為都係整形嗰啲,參賽時都冇概念,只知會變靚,但其實我哋有專業嘅團隊,化妝整頭、健身、醫學美容等,咁多範籌都會喺節目中參與。」問到最睇好邊位參加者?他說:「初選時16個女仔都冇邊個特別對自己有信心,今次同一般選美最唔同嘅地方,平時選秀或選美係有信心先嚟選,但今次掉番轉,係一班對自己好冇信心、好唔滿意嘅人嚟參加。所以企上台,同我哋睇開選美嘅感覺好唔同,你真係要打造佢哋,呢個係好大分別,所以第一次唔會覺呢個好掂,或好犀利,整體都唔係對自己好有信心嘅一班女仔。」

他直言在第一輪比賽時,連自己都有擔憂:「我記得第一round喺廠做,十幾個女仔出嚟,有一刻『嘩』,係咪真係可以喺3至4個月,令人有眼前一亮感覺。」另外,有份做評審的葉翠翠,談到對這個節目其評審準則,她說︰「見到啲女仔係有好大轉變,由第一次見佢哋到中間,去到最後都見到佢哋好努力去做運動,為自己去轉變。」

以下是16位參加者的個人資料:

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner