林欣彤放狗不敵愛犬狂跑衝力 飛墮樓梯下巴落地暈倒入院

更新時間 (HKT): 2021.05.24 18:36
(IG圖片)

林欣彤(Mag)昨晚接近凌晨時分在IG Story貼出一張手腳包紮,坐在輪椅上的相片,頓時令不少人擔心究竟是發生何事。事隔17小時,Mag在IG貼出多張傷口相片兼報平安,並註明「如果怕血怕傷口唔好睇之後啲相,雖然唔算好大嘅傷口」。

她指昨晚放狗時,因愛犬飛飛突然失控發狂地跑,由於衝力太大令她仆落兩三級樓梯,結果膝頭哥與下巴落地,她寫上:「我暈咗趴咗喺地下幾分鐘完全郁唔到,聲都出唔到,當刻明白到打拳被人knock out嘅感覺,我被個地下knock out咗。結果震親個牙骹、傷咗韌帶、同埋有啲皮外傷、仲有膝頭哥腫腫瘀瘀咁、骨應該就冇事。」

在醫院接受治療後,Mag報告最新情況是「暫時唱唔到歌、咬唔到嘢,又唔係好行到路,就當個天安排我放假啦。」她自言都預計有放狗跌親的一日,但沒想過會跌成這樣,康復之後決定要練大隻變強壯。她亦多謝每位問候她、伸出援手的每一位,她寫上:「係痛嘅,係煩嘅。但係往往呢啲moment就係愛湧出嚟嘅時候了⋯⋯多謝各位嘅愛,love you all。」她亦感謝家人,深夜陪她到醫院的細佬及爹哋,還有煮粥給她吃的媽咪。文尾再寫隻狗完全不知發生甚麼事而毫無悔意,好傷心仲好傷身,養狗不容易,決定要嬲牠幾日。圈中好友鄭欣宜、關心妍、洪卓立及蘇皓兒等相繼留言慰問祝她早日康復。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

娛聞樂陪你走遍全球追星,即Like「娛果」FB 專頁!
BannerBanner