無綫御用「執紙皮婆婆」60歲入行 
許碧姬為中風女兒做臨記

更新時間 (HKT): 2021.05.24 02:00

現年90歲的甘草演員許碧姬,是無綫御用「執紙皮婆婆」外,還演過ViuTV劇集《婚外情》,又拍過《桃姐》及《12金鴨》等賣座電影。原來許婆婆在60歲,臨近退休之齡才入行,多年來當臨時演員的原動力,是來自已離世的大女,許婆婆日前接受節目訪問,細訴當中因由外,其幼女Grace更現身獻花,大讚媽媽200分,思想開明,一生都為子女着想。

1966年結婚的許婆婆,自18歲便投身社會工作,就算婚後育有四名子女,依然一邊兼顧配音工作,一邊照顧家庭,生活忙碌但開心又充實。許婆婆一直做到60歲,才加入無綫,當時她心想子女已長大成人,怕退休後生活變得沉悶,所以便應徵當演員,另一個原因是大女喜歡看劇,也追捧電視明星。可惜好景不常,許婆婆在無綫工作五年後,大女便因中風,導致四肢癱瘓。

每日搭長途巴照顧

許婆婆在訪談中憶述:「佢(大女)36歲嗰年得到大病,醫生話佢腦中風,醫院床位緊絀,所以叫我一定要搵地方畀佢療養。我同醫生講我等政府嘅,醫生問我『你點照顧佢,你幾歲?』我話『65,我一邊照顧佢,一邊等啦!』」

結果等了六年,大女才等到元朗區的療養院,當時許婆婆家住沙田,每日長途跋涉坐巴士去探女,閒暇時候就拍戲:「成個鐘去,成個鐘返,去到夜晚至走。要拍戲得半個鐘都去,盡量去,佢習慣見我,一陣都好,拍戲有好多嘢同佢講,影相畀佢睇吓。」

明星合照滿足囡囡

如此勞碌艱辛都要繼續拍戲,都是為投女兒所好,許婆婆說:「我大女不嬲都鍾意睇電視,又好鍾意明星,我諗我去做吓戲,咁樣返嚟就可以有好多明星合照,畀佢高興吓。雖然佢離開咗我好多年,我成日拎啲相出嚟睇,心諗佢病咗咁耐,我都希望佢早日得到安息。」當時許婆婆能夠兼顧工作及照顧卧床女兒,全因有位經常做義工的鄰居:「拍戲由鄰居照顧,鄰居嚟我屋企,因為佢瞓喺床,問咗人肯至應承拍。」

娛聞樂陪你走遍全球追星,即Like「娛果」FB 專頁!
BannerBanner