黃宗澤聞舊愛玻璃朱舌戰盧覓雪 即煞有介事:嘩!呢啲唔提啦

更新時間 (HKT): 2021.05.25 17:08

港台《視點31》繼杜汶澤與陳百祥「對戰」後,今晚8點將有另一場激戰,資深傳媒人盧覓雪與「玻璃朱」朱庭萱在港台節目《視點31》舌戰,題目為「娛樂為甚麼?」網民紛紛為盧覓雪搖旗吶喊,本來全城等睇下午3點半直播,怎料港台忽然變卦改晚上8時在電視播!未知是否要先審閱?

即使這樣,雪雪支持度亦不減,好友林海峰今早在節目已為雪雪加油打氣,今午雪雪身穿戰衣,笑言「方便我隨時有大動作,你知啦拳腳無眼嘛」,商台DJ朱薰亦晒合照跟雪雪講加油,笑言「翠蓮岀征,你咁猛小心打爆玻璃,成班友撐硬你」。

雪雪多人撐,相反玻璃朱就得不到舊愛「祝福」,今日黃宗澤(Bosco)現身網劇《廉政狙擊 》開鏡拜神儀式,黃宗澤及吳卓羲笑言年紀大仲要拍動作片,黃宗澤更稱打戲交畀王浩信:「比較粗暴啲、暴力啲就交畀王浩信。」吳卓羲續說:「因為佢當紮,佢比我後生一、兩年,身體好啲,動作戲交晒畀佢。」

一提到舊愛玻璃朱,Bosco即煞有介事:「嘩!呢啲唔提啦!冇咩聯絡喇。」吳卓羲解圍:「唔好搞呢啲嘢。」玻璃朱一向好喜歡建立關係,當年她主動在網誌自爆跟黃宗澤(Bosco)拍拖五個月,稱被Bosco傷得很深,試過自閉3個月,又稱Bosco沒交帶,自己嫌Bosco未能給予安全感,又指Bosco嫌她煩,最終分手收場。

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner