周杰倫演唱會8月中環海濱舉行 主辦發現騙徒以假飛換真飛

更新時間 (HKT): 2021.05.26 15:07
(IG圖片/資料圖片)

周杰倫香港站演唱會原定於2019年12月在迪士尼舉行,但鑑於當時的社會因素及疫情,要延期至今年8月,在中環海濱舉行「周杰倫嘉年華世界巡迴演唱會2021香港站」。

由於最近出現假飛,寶輝娛樂老闆謝嘉豪今日在長沙灣召開記者會,他拿着門票表示:「有人用化學劑塗去座位編號,啲人用層出不窮嘅方法,將後面平飛變為貴飛去呃錢,然後寄嚟話要求換飛,話張飛寄畀佢嘅時候已經冇咗座位編號,我覺得冇可能,因為我摸落去,表層都被塗去。」問他是否已知道這個人是誰?謝嘉豪說:「佢遲啲會上嚟換飛,但暫時唔能夠透露太多,但我哋有匯報呢故事。報警?呢個係考慮之一。」他呼籲大家要在合法途徑購買門票,因為主辦單位有辨識真假門票的方法。

謝嘉豪指周杰倫今次演唱會已延期兩年,場地人數由最初迪士尼場地,每場有2萬2千個座位,中環海濱活動空間則比迪士尼減少7000個座位。他指退飛的歌迷好少,為答謝歌迷的信任,謝嘉豪表示已購買門票的歌迷,將會有購物優惠,以及抽獎,頭奬有兩名,得奬者可獲周杰倫捐出載有多張周杰倫絕版黑膠唱片的黑色箱。

台灣現時的疫情嚴峻,周杰倫會否提早來港進行隔離。或者有沒有Plan B?謝嘉豪說:「我哋啱啱同政府部門開完會,到而家我哋都冇任何改變,大家都非常配合,6月幾再睇吓疫情點,但我哋好正面嘅,希望做到。」有否想過加場?他笑說:「如果辦得成,我會同周生講吓,要同佢商量,因為夏天都辛苦。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner