林芊妤打算追多一B後專心做師奶:如果出年冇好消息就搬屋

更新時間 (HKT): 2021.05.26 16:39

林芊妤(Coffee)今日在尖沙嘴出席活動,提到她經常在社交平台上載兒子翟德彥(伯伯)的生活點滴,雖然伯伯未有跟媽媽返工,但話題少不免都是圍繞伯伯。

Coffee表示昨日拍廣告時,伯伯亦有參與,「原本客戶邀請埋我老公同個仔一齊拍,雖然價錢幾好,但我又唔想,所以用咗假老公假仔,不過我同假仔有對手戲,我又覺得成件事好唔投入,所以我就捉埋我個仔玩,客串吓。」是否即場加價?Coffee笑說:「梗係有啦!但我控制唔到伯伯,我嘅化妝師同髮型師都驚嘆佢嘅活力,佢由朝早9點玩到6點。」她透露今次是伯伯第二次拍廣告,但不想讓他做童星,希望伯伯有個平凡的童年。

擬為生仔搵屋搬

問到林芊妤的收入是否高過老公?Coffee笑說:「我老公話我嘅收入其實係佢,佢意思係指我有咁嘅收入係因為佢好腳頭,咁我都覺得老公同個仔都旺我嘅,可能我以前比較多花邊新聞,自從我結咗婚同有咗小朋友,大家都接受咗我已經係一個媽咪同老婆,而家我嘅fans都偏向女性,我又開咗自己嘅頻道,好多嘢都係好健康嘅嘢。兩公婆唔可以計較邊個搵錢多,佢搵錢係因為佢嘅能力、學歷同專業,我搵錢係多謝大家嘅喜愛。我諗我生多個就喺屋企做師奶,如果出年都未有好消息,我要搬屋,因為有師傅話我間屋唔旺丁。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner