回應遭前度爆出軌:畀空間事件中嘅人 
Edan@MIRROR 涉撩女做SP

更新時間 (HKT): 2021.05.27 02:00

MIRROR成為香港天團,12子中除姜濤爆紅外,現年24歲的呂爵安(Edan)亦走勢凌厲,但一直形象乖乖仔的他,昨日疑被前女友Stephanie踢爆出軌,網上甚至流傳Edan撩女開房做SP(性伴侶)的短訊截圖。《蘋果》昨日聯絡Edan求證,但不獲回覆,到下午Edan於Ig留言撲火:「希望大家畀多啲空間事件中嘅人。」惟沒否認指控。

呂爵安近日人氣越來越高,因靚仔又有音樂才華,不過疑是他港大舊愛的Stephanie,最近在Ig出帖晒訂婚相,卻留言爆大鑊,事緣Stephanie宣佈男友求婚成功,有人竟留言指Edan會戥她開心,並tag了Edan的Ig賬戶,此舉卻觸動了女方神經,寫道:「不如尊重埋我,其實戴完帽都唔會想理佢感受。」雖然此回覆不久後刪掉,但已被網民截圖及流傳。

對話露骨:想磨下

有網民翻出Stephanie和Edan的分手post,她於合照上留言:「有啲老土,多謝呂生陪咗我成個大學生涯避免我俾人呃,不過我哋冇辦法再用男女朋友身份陪住大家了,細個以為乜嘢唔夾呀、timing呀,全部都係移情別戀嘅藉口,但理智與感情角力咗好一段時間,我都贊成朋友會係我哋目前最合適嘅關係。」似乎暗示Edan移情別戀,兩人才分手收場。

有網民翻出Edan曾在限時動態貼合照,寫下分手宣言:「感激三年來的陪伴,接下來便用朋友的身份繼續陪伴大家吧。」事件在網上火速發酵,有人更公開疑是Edan在Ig撩一名女性友人做SP兼開房的對話截圖,有指對話內容發生於去年,當中不乏內容露骨句語如「想磨下」、「想一啖食左(咗)你」等。

另有聲稱是Edan的大學同學爆料:「成間hall其實都知Edan出軌,但之前大家都唔爆佢出嚟,保護吓佢聲譽,但𠵱家見到咁多護主犬鬧個女仔真係有啲嬲,佢的確係對屋企人同朋友好,但係作為一個男朋友真係渣到一個點,有SP係真(一村hall的),仲要係拍緊拖嘅時候都要搵,出軌都係真。」

《蘋果》昨日聯絡Edan求證,但沒獲回覆,下午Edan於Ig動態留言稱:「知道有關自己嘅事情被討論中,私人同過去嘅感情事我唔應該作出任何澄清或回應,因為我唔希望會影響任何人。希望大家畀多啲空間事件中嘅人,停止對佢(or佢哋)嘅騷擾。」至於Stephanie則在Edan發文兩分鐘後轉載Edan的帖文,再添加回應:「要講嘅佢講晒,其實各自開始咗新生活,唔希望再有人專登提起。」

曾自揭戴綠帽被飛

有粉絲質疑Edan撩女短訊截圖的真偽,首先指Edan出帖慣常用字是「咗」而非「左」,並稱有24萬追蹤人數的Edan早已得到「藍剔」認證,而截圖當中卻沒有藍剔,認為有造假之嫌;第二點則指出無論是頭像、用戶名都非常相似的Ig賬戶經常出現,質疑是改圖或假賬戶;第三點就指如果Edan如此風流,沒有理由至今並沒有任何親密照片流出,鏡粉亦留言鼓勵Edan:「男未婚女未嫁,每個人可以有權選擇」,亦有網民罵他「恐怖情人」。

雖然Stephanie指自己「戴帽」被Edan劈腿,但Edan其實亦有類似經歷,今年初他推出新歌《E先生連環不幸事件》接受《蘋果》訪問,指歌詞是由中學時被女飛的經歷度身訂做:「分手係因為個女仔畀綠帽我戴,啲女仔仲要同咗我best friend一齊,我知道後喪喊。」

娛聞樂陪你走遍全球追星,即Like「娛果」FB 專頁!
BannerBanner