黃美棋重遇20年前童星拍檔Mandy:好難得嘅緣份

更新時間 (HKT): 2021.05.27 14:50

不少童星陪伴一眾80、90後成長,包括唐寧、黃美棋、G.E.M.、唐詩詠、鄧一君、連詩雅、陳自瑤、楊思琦等,而童星出身的黃美棋細個拍過教育電視,又拍過多部經典劇集,亦拍過不少港台節目。

黃美棋昨晚貼出與友人Mandy的合照,原來二人曾一起拍過節目,Mandy在IG留言:「相隔多年,感謝再聚,多謝你嘅真誠,係一個好正面積極嘅女生,好欣賞你。」而美棋也在IG回覆:「謝謝你嘅坦誠同信任!仲有宇宙嘅安排。」

黃美棋重遇廿年前拍節目童星Mandy Yim ,今日回覆傳媒時說:「好神奇嘅經過,我覺得係一份好難得嘅緣份。」美棋透露是對方透過IG找她:「佢係我喺2001年拍香港電台其中一個節目《現代童話》其中一個女孩,計計手指都已經有20年冇見。大概一個月前,我喺IG收到佢嘅近況,佢畀咗我哋以前細個嘅合照我睇,我覺得好感恩佢主動搵我,亦知道佢而家成為咗一個化妝師,我哋都想繼續同大家keep in touch,所以就約咗出嚟見面一齊食飯。」

美棋又讚對方記性好,還記得當年大家一齊唱歌,「其實細個我哋只係見過兩日,但見面好似搵返失散多年嘅朋友咁」。她們當年拍《現代童話》系列的「灰姑娘和她的兒孫們」,這集講黃美棋飾演的「鍾笑芝」,自細跟外婆住在圍村,故事講外婆離世,而細芝一心想將婆婆的遺物交給一位男子手上,原來細芝要找的人已經死了,而Mandy是時常陪伴細芝的同村同學「鍾麗芬」。

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner