陳瀅預告親熱戲好激

更新時間 (HKT): 2021.05.28 02:00
■陳瀅和周嘉洛在夏日炎炎下穿古裝開工,大呻辛苦。

陳瀅和周嘉洛昨日在將軍澳為新古裝劇進行拜神,二人首次拍古裝劇,夏日炎炎要穿上古裝拍攝,大呻辛苦,周嘉洛笑說:「順便瘦身,你覺唔覺我已經瘦咗?陳瀅就真係瘦晒,塊面都削晒。」陳瀅說:「其實拍之前監製已經勒令我要減10磅嘅,𠵱家見到我真係瘦咗好多,好似好慘咁,其實嘉洛都有。」

劇中二人有親熱戲份,陳瀅笑說:「呢場戲比起落水戲仲激,我哋會有好親密嘅接觸。」周嘉洛則指親熱戲份會用喜劇形式包裝,他說:「我會覺得做喊戲難過笑戲,因為我成日都喊唔出。」陳瀅就指最難拍係動作場面,因為劇情講她武功好勁,但並非日日有武指在場,她說:「臨時要加嘅話,嘉洛就會幫我諗。」

娛聞樂陪你走遍全球追星,即Like「娛果」FB 專頁!
BannerBanner