王敏德恨抱孫 仔女將移居美國享受陽光海灘

更新時間 (HKT): 2021.05.28 17:01

王敏德(Michael)與太太馬詩慧(Janet)、歐陽妙芝、唐安麒等今天出席模特兒大賽活動。Janet指細女麗嘉(Irisa)很喜歡當模特兒,笑言大女天生胸大,胸大有胸大的做,她又透露Irisa在美國處理私務,同時也會為大女曼喜的婚禮視察場地,Janet說:「而家應該會定明年9月喺美國結婚,咁大件事我哋當然要去。」身旁的Michael也坦言十分不捨,一想起女兒出嫁便眼濕濕。他們又透露兩女兒及細仔將到美國生活,Janet說:「佢哋未必會stay喺香港,好大機會喺美國生活,小朋友都想去美國多啲,加州嘅陽光海灘邊個唔鍾意?」

不過Janet就未必隨子女到當地,她與Michael將兩邊飛,皆因Michael熱愛拍戲,Michael透露已有半年沒戲拍,他說:「我唔會退休住,有得玩直升機、曬太陽就得,不過唔可以stay喺美國太耐,香港好方便,一諗起美國塞車就好掛住香港。」問到若囡囡生B,會考慮到美國湊孫嗎?Janet笑說:「生得出都9個月之後,有9個月時間諗。」Michael一想到湊孫便則難忍喜悅:「係就好開心。」

另外,唐安麒希望透過比賽發掘香港有潛質的模特兒,曾經捧紅林志玲的她更大讚目前圈中炙手可熱的姜濤,她說:「我好欣賞呢個小朋友,睇到佢嘅報道,覺得佢好得體,情商非常高,講嘢有深度又真心。」她又謂希望找姜濤代言。問到早前已訂婚的喜訊,她則說:「私人事唔透露,而家好開心,fb講係因為粉絲好關心有冇人照顧我,所以講畀佢哋聽嘅,而家唔講呢啲嘞。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner