李佳芯有人追暗示已跟陳炳銓分手 澄清富豪只係「生意夥伴」

更新時間 (HKT): 2021.05.29 22:41

李佳芯今年初被揭以拍劇為由,獨自搬離拍拖6年男友陳炳銓西貢愛巢,雖然李佳芯沒有承認情變,但她早前出席活動時就將陳炳銓降格成朋友。雖然李佳芯與陳炳銓關係撲朔迷離,不過今日她在將軍澳出席活動時,直言有人追,她表示要再投入一段新的感情是需要時間,似乎暗示陳炳銓已成過去式。

對於最近有報道指李佳芯已搬到將軍澳一間酒店暫住,她聽罷後即否認,並指平時也會約朋友在將軍澳飲茶或傾偈,提到最近有指她被城中一名富豪力追,李佳芯就以「生意夥伴」來形容對方:「我最近有搵唔同嘅人去傾合作,佢係我其中一個想傾吓有乜合作嘅生意夥伴,但到最後未搵到一個共識去合作,所以只係一個生意合作嘅關係,但又未正式開始生意。」李佳芯又表示不怕傳聞會影響兩人的合作關係:「我分得好清楚,工作還工作、感情還感情,原本諗住合作,但變咗感情就有啲混亂,我盡量避免呢樣嘢發生。」

至於被問到現在有沒有人追,李佳芯想了想後說:「都有嘅,你話好激烈嘅就冇,我會feel到對方係咪有意,其實係會有嘅……」之後她又再一次暗示已跟陳炳銓分手:「對我嚟講感情唔容易嘅,要啲時間……對我嚟講再投入一段新嘅感情都要啲時間。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner