300「老婆」集資10萬賣廣告谷新歌 
193爆紅:攰得開心

更新時間 (HKT): 2021.05.29 02:00

ERROR成員「193」郭嘉駿人氣急升,近日他推出新歌《睡到三點》,獲約300位「老婆」(193粉絲)集資逾10萬元,為他推出連串造勢行動,包括20個巴士站燈箱廣告及派雪糕。193對「老婆」厚愛心存感激外,近日爆紅的他昨日表示最近工作量大增:「𠵱家就算攰都攰得開心,終於可以做到唔放假嘅藝人。」

男子組合ERROR成員193上月公開寸無綫副總經理曾志偉,近日又諷查小欣「不良」,敢言性格被網民封為「娛樂圈清泉」而人氣急升。193早前在ViuTV節目《ERROR自肥企画》,自肥推出新歌《睡到三點》,新歌在YouTube上載11日,截至昨晚9時已有逾98萬點擊,反應熱烈。

手機用戶請按此放大圖表

踩入「姜濤灣」挑機

193一班「老婆」為幫偶像造勢,由昨日起到下月中將接連推出應援行動,包括已在九龍及新界20個巴士站大賣燈箱廣告,另外會在銅鑼灣、旺角和尖沙嘴的巨型電視屏幕,每小時播放八次新歌廣告,在下周六下午1時至3時更會租用雪糕車到銅鑼灣派雪糕,直接殺入「姜濤灣」挑機。193「老婆」再推高他的人氣,由他代言的電器公司近日即把193一比一的人型紙牌放在當眼處大肆宣傳,193亦在Ig貼出相關的廣告片段,還有他跟「肥仔」梁業及梁祖堯合演的飲品廣告片,一浪接一浪,氣勢驚人。

對於「老婆」花錢為自己造勢,193昨日以短訊回覆《蘋果》表示很開心:「多謝佢哋,希望攞多啲好成績,暫時差唔多100萬點擊,希望更加多,因有好成績公司先會畀多啲資源我再做歌。同埋希望首歌可以上到榜,希望宣傳有效,唔好嘥咗fans嘅錢。以我理解佢哋每人都唔係畀好多,應該係多人夾,我都係估。」

193氣勢直逼MIRROR人氣王姜濤,會否希望超越對方?193謙虛地說:「希望我累積更多fans嘅時候,下一首新歌有更大嘅宣傳,好似姜濤咁,但絕對唔係同姜濤比較。我𠵱家啲宣傳點都唔及姜濤,佢啲fans宣傳真係鋪天蓋地,誇張過我100倍。」193透露對上一次fans幫他賣廣告,是他剛出道幾個月時的一個生日廣告。今次為免混亂,他不會落區,只會在遠望「打卡」。近日人氣爆燈的193工作排到密麻麻,睡眠不足:「忙緊客串套戲及ViuTV嘅節目,同埋唔少廣告,仲有時裝雜誌嘅宣傳,個期full晒。記得年幾前真係有兩、三星期冇工開,𠵱家就算攰都攰得開心,因為賺錢,好感恩,終於可以做到唔放假嘅藝人。」

老婆:佢威威就開心

《蘋果》昨日聯絡193的fans club負責人KY,她透露今次應援造勢行動大約花了十幾萬,由約300位「老婆」集資而成:「想193多啲人認識,雖然𠵱家都好多咗人識,但佢威威,我哋就開心㗎喇!」問到最喜歡193邊方面?KY坦言:「高大靚仔、講嘢夠真、轉數夠快,佢仲係真心好錫fans。」

娛聞樂陪你走遍全球追星,即Like「娛果」FB 專頁!
BannerBanner