朱智賢出海傷腳狂標血

更新時間 (HKT): 2021.05.29 02:00
■朱智賢解凍後心情靚爆,不時相約朋友上山下海玩餐飽。互聯網圖片

無綫小花朱智賢去年4月偷食人夫黎振燁後,被無綫雪藏近一年,兩個月前獲解凍出席新劇活動。解凍後的她心情靚爆,不時相約朋友上山下海玩餐飽。前日她在Ig限時動態分享與一班朋友划獨木舟兼浮潛的相片,他們齊齊嘆美食,不過其中一張相片,朱智賢左邊膝蓋就流晒血,相信是潛水時被石頭𠝹損,但她留言整親腳都不知道︰「食食吓嘢望到對腳都嚇一嚇。」

朱智賢當日玩得非常開心︰「好耐冇試過咁多人一齊玩,好開心。」更自嘲︰「唔好意思,我今日係嚟搞笑!」後來她更貼出傳媒報道她整損腳的新聞,留言︰「當我好內疚嘅時候,然後大家都好似好開心咁,儍的嗎?」更大嘆早知化妝 。

娛聞樂陪你走遍全球追星,即Like「娛果」FB 專頁!
BannerBanner