被轟搖滾叛徒只識賺人仔 
Supper Moment死撐:做音樂要錢

更新時間 (HKT): 2021.05.29 02:00
■Supper Moment拍片交代心聲,為搖滾叛徒等指控解畫。

樂隊Supper Moment(SM)成軍15年,2013年因《無盡》爆紅,行熱血、搖滾路線,被樂迷視為與港人同行。可惜成員因一直潛水沒有為前年的社會運動發聲,加上去年網上音樂會又有國語歌,宣揚大愛包容及和諧,令部份樂迷有感SM失去靈魂。昨日SM宣佈下月在九展舉行兩場演唱會,主辦單位指內部認購已秒速爆滿,但網民對SM開騷評價兩極,有些潑冷水:「想睇吓仲唱唔唱《無盡》」、「要修哥胡楓降格去九展唔尊重,返CCTVB一廠咪算囉」,也有死忠支持繼續做好音樂。

否認一直潛水

SM昨日接受《蘋果》訪問,指當初因疫情而不敢亂入紙取紅館檔期︰「15年前第一個大型演唱會『再次心跳』就係喺九展起步,作為紀念就選回九展。」談到上月因為撐修哥答應做對方的紅館演唱會嘉賓,亮相TVB宣傳合唱舊歌,被網民指摘為「搖滾叛徒」、「淨係識搵人仔」等,SM四子拍片交代心聲。

一開始SM扮嬲拍枱,笑言「點解要話修哥!話就話我哋!」,陳仕燊 (Sunny)及梁燿鵬(阿雞)幽默發言:「有飯好食啦!啲飯仲暖,定人情冷暖?」陳鴻達(阿達)搞笑說:「我哋呢啲係真飯,唔係電視啲飯。」阿雞反問:「邊個電視台?咩電視台我都上!」Sunny夾住一嚿魷魚,意有所指:「條魷魚都潛咗水好耐。」張祖光(CK)解釋兩年幾時間都做音樂,不明白為何代表潛水。

怨樂迷拒新嘢

對於被罵「搖滾叛徒」,對不起夢想及音樂,CK反問:「搖滾精神係乜?係反叛?一定要反制度?鬧我哋搖滾叛徒係另一種稱讚。」Sunny說:「如果我哋連搖滾都背叛埋,咁冇人夠我哋搖滾!」提到北上搵食,CK力數他們曾到加拿大、日本出騷,去巴塞隆拿做宣傳:「真心講,要明就明,花好多時間做新碟,話X你唔X貼近社會議題。」阿達批評:「諗住畀大家新感受,你哋係鍾意聽啲舊嘢。」

Sunny解釋:「如果唔係啱議題,音樂都冇罪㗎!我有自由做想做嘅音樂。」CK拍枱說:「佢哋係期望緊你唱嗰啲嘢,但你唔係唱佢心目中嘅,就X你。」Sunny更嚴肅話 :「大家可能忘記咗做音樂要錢,樂隊有商業價值就被標籤搖滾叛徒,但冇錢點錄音?」更歸咎他們花太多時間做音樂,沒玩社交網經營形象。

娛聞樂陪你走遍全球追星,即Like「娛果」FB 專頁!
BannerBanner