七仙羽扮譚仔阿姐落單 外籍男友跟到實

更新時間 (HKT): 2021.05.29 16:14

七仙羽自從拍攝ViuTV節目有更多人認識,近日人氣勁升為食店拍攝廣告,以唔鹹唔淡的廣東話扮落單「姐姐」成大熱,今日她再在中環分店宣傳,為「口罩小姐」178張晉雅落單。

七仙羽表示拍廣告後更有自信:「本身啲人話我講廣東話唔好,一嚟到同大家好融洽,好多姐姐明白我,我又明白啲姐姐,如魚得水,出到街有人認得我叫我譚仔姐姐,拍呢個廣告冇諗過咁好反應。」

肥仔要搵乖女仔

之前她在節目漏口風指ERROR的肥仔一早對ViuTV主持練美娟有意思,而肥仔與拍拖多年的女友近日分手,七仙羽即澄清說當時做節目純粹講笑。「我之後同佢哋都有拍節目,分別講我同肥仔、娟姐嘅前世今生,我成日話肥仔係武大郎,娟姐係潘金蓮,佢哋唔會發展,娟姐品味唔會搵矮細嘅人,而我知肥仔都唔會鍾意娟姐,因為娟姐有啲野性,肥仔想搵啲降服到、乖啲嘅女仔。」

七仙羽更指肥仔現時工作很忙碌,不會有時間拍拖:「成日見佢都係做嘢,匆匆忙忙食個麵包、飲支水就開工。」她指近日自己也工作多了,日前被影到任職金融界的外籍男人一起表現甜蜜,今日男友也有到場,七仙羽指男友間中幫手在旁邊打點事務。有指七仙羽和男友拍拖10年,現時在西貢共築愛巢。

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner