劉佩玥細數7位緋聞男友 取笑黃宗澤:你估咁多人想食你啲肉

更新時間 (HKT): 2021.05.29 12:43
(無綫電視截圖)

現年31歲的劉佩玥(Moon)是2013年港姐季軍,入行8年經常與劇中男拍檔傳緋聞,包括黃又南、何猷亨、翟威廉、伍允龍、黃子恆、黃宗澤(Bosco)、周志文等,被冠以「TVB娘娘」愛收兵。阿Moon日前接受商台《1圈圈星光背後》訪問回應說:「我真係冇見過身為娘娘要車埋同事或者朋友返屋企,仲冇人幫我拎嘢,要我自己拎。坦白講,我外表係女仔,實際係男仔頭,同男仔friend就會無端端變緋聞,係好無奈,全部都話係我啲兵,搞到我一頭霧水。」

看到主持指的7位「緋聞男友」,劉佩玥反應很大的說:「嘩!有冇咁長?全部都流喎,黃子恆流到爆啦,黃宗澤又流到爆。我想講伍允龍我唔難理解,我哋喺《城寨英雄》螢幕情侶感覺深,但黃又南係我拍《殭》時嘅演員,我同佢冇對手戲,唔知點解咁傳?至於翟威廉,你哋有冇諗過我嘅感受呀,我仲想講,關於猷亨,真係唔好抵毀呢位公子,佢同陳瀅相熟,同我完全無關係,真係只係朋友,黃宗澤直情係我嘅哥哥咁,我同Bosco食飯時,仲講笑:『你估你係唐僧咩,咁多人想食你啲肉』」。

伍允龍好長氣

伍允龍曾公開大讚劉佩玥是好女仔,被問及合作時曾否過電,阿Moon說:「佢當然會讚我,我真係好吖嘛。我哋只可以話係角色中有過電,我冇不能抽離。」發展機會?她說:「到現在真係冇,戲外真係唔好要喇,佢…點講呢…佢真係一個大哥哥,好多事都好語重深長,唔似佢嘅年紀。好長氣?係㗎,係好長氣,哈哈。」

讚周志文好男仔

至於近幾年傳得甚囂塵上的大孖周志文,曾於2018年被爆遊船河情不自禁激吻。提起周志文,劉佩玥沒大抗拒說:「我哋冇合作過,係透過翟威廉認識。威廉好好人,好照顧新入公司嘅女仔,佢會搞啲聚會、開LIVE或夾歌,阿文雖然唔喺TVB一段日子,但佢都喺威廉嘅group中,所以認識,我入行8年,就同阿文識足8年。」那周志文有沒有機會發展?「呀…我覺得呢個世界上,咩事都有機會,唔會話必定冇可能,我覺得阿文係一個好男仔嚟。」劉佩玥更指小時候會幻想理想伴侶必定要喜歡運動陽光型,但今天長大後,即使有齊上述條件,她對對方沒愛的感覺就是不行,最重要是跟對方相處及有共同的價值觀。

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner