前亞姐筱靖慶祝生日變雙喜臨門 男友突擊求婚送2卡鑽戒

更新時間 (HKT): 2021.05.29 14:53

前亞姐筱靖近年轉做飲食業開餐廳,好不容易捱過疫情,明天是她的36歲生日,昨日獲友人安排提前搞生日會,圈外男友兼生意拍檔Water(阿水)夾埋筱靖的好姊妹,突然在派對上跪地求婚,令壽星女非常驚喜。

《蘋果》致電恭喜筱靖,玩天光的她雖然有倦意仍難掩興奮:「多謝呀,噚晚真係好驚喜,我男朋友阿水平日真係唔浪漫,我完全唔知佢夾埋我班姐妹搞咁多嘢呀,又佈置、又買花又戒指,好有心思,真係好感動。我哋喺朋友個地方慶祝,我啲姐妹佈置得好靚,以往我生日都好多時出埠旅行,出發行程都係由我去安排,我男朋友真係好少咁有心思,而家疫情唔去得,佢竟然畀咗咁大驚喜。派對中段佢先求婚,我事後都問佢,如果我飲醉咗咁點算,仲要咁多朋友嚟咗見證。」

男友抵讚

筱靖與男友Water拍拖4年,大家感情穩定,對於男友突擊求婚,她非常感動:「我答應咗後,立即打電話去加拿大同爹哋媽咪講,佢哋都猛問我係咪真㗎,大家都好開心。」筱靖表示婚禮會待疫情穩定,通關後父母來港時才舉行,屆時外地親友都可以飛來香港參加婚禮。

筱靖大讚未婚夫為人,她說:「佢人好乖,唔煙唔酒,又有上進心,身邊朋友都個個讚佢。咁疫情我哋做餐廳都難做,大家互相扶持。」筱靖手上的求婚戒指很搶眼,她說:「而家諗番都真係奇怪,早一個月前有個姐妹話叫我陪佢去試戒指,原來係幫阿水,呢次求婚都籌備咗成個月。」筱靖即將成為準梁太,問她婚後會生多少孩子?筱靖說:「搞好婚禮先,生BB計劃未諗住,下一步先。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner