陳茵媺攜仔女Staycation賞維港景 帶名牌手袋襯衫再晒三點式誘人

更新時間 (HKT): 2021.05.29 18:32

以前老人家成日話「未食五月糭,寒衣勿入櫳。」意思是端午節是入夏之時,而之前的天氣通常忽冷忽熱,到端午冇幾耐就夏至,天氣先會熱定。不過最近香港天氣熱到爆炸,幾乎每日都過30度。「高溫燒滾我」的情況下,唔少女藝人都排住隊着三點式示人。除了張曦雯外,昔日港姐冠軍、陳豪嫂陳茵媺亦趁假期和三個仔女齊齊在酒店staycation,只見穿上三點式花花款泳衣的她,即使外加一件白色穿窿衫,但仍難掩好身材。

一向鍾情Hermès的她,今次staycation除孭了Mini Kelly外,亦帶了一黑一白的Hermès Oasis Sandal作襯衫之用。陳茵媺以英文留言說:「在游泳池邊放鬆,以自己的方式發放陽光!」而陳茵媺今次和仔女入住的酒店,更坐擁270度維港景,認真識嘆。至於同樣港姐出身的蔡思貝,今日在IG亦post一張穿上火辣紅泳衣的相片,大晒誘人上圍,她留言說:「又係一個完美嘅水上活動日,同樣亦好適合我去睇劇本。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner