《二月廿九》續集遇上「不可抗力」 台灣外景無望宣佈留港拍攝

更新時間 (HKT): 2021.05.29 19:20

被譽為ViuTV神劇的《二月廿九》去年宣佈開拍續集,並取名《940920》。雖然《940920》本打算到台灣取景,但起行日子因香港疫情一改再改,加上現時台灣疫情嚴峻,致全面暫停工作簽證,該劇監制及導演羅嘉駿(Steve)今日終宣佈《940920》因遇上「不可抗力」而決定留港取景。

Steve今日在IG中貼出「不可抗力」解釋圖片,感嘆地表示命運有時候是沒有選擇、也不能反抗,他指在拍《二月廿九》的時候很幸運,因為12月中拍完北海道外景後疫情才開始全球蔓延:「當時我仲好天真咁覺得,SARS咁大件事一年半載都完啦,今次都應該好快完嘅。OK,《940920》繼續出埠,今次拍台灣!」不過決定後,因疫情不受控令外景出發日期一拖再拖:「半年過去,疫情無受控,我地決定推遲拍攝期。再過半年,台灣開始每日幾百宗確診,全面暫停工作簽證。」

Steve指拍《940920》遇上不可抗力而要在香港取景:「可能係天災又可能係人禍,總之結論係我哋出唔到埠,無得反抗,no bargain(冇商量餘地)。」陣腳被亂,劇本亦因此要大改,但Steve指今次不會再延期開拍,因為要趕在2月28號播映:「我好相信上天幫我嘅選擇,每次我眼見唔好嘅事,到最後都會證明佢係揀得啱嘅,我諗今次都係。或者喺另一個平行時空無肺炎疫情;《940920》可以喺台灣取景;香港人仍然係香港人……但都係個句,唔到你揀,煮到埋嚟就諗吓點食啦。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner