黎瑞恩疑「屈」出胰臟腫瘤 保持心境開朗擊退病魔

更新時間 (HKT): 2021.05.30 22:57

馬浚偉、黎瑞恩(小恩子)及林子博等,今晚去到葵涌為舞台劇《男人40CEO》進行綵排,該劇將於6月11日開演。首次演出舞台劇的小恩子表示特別緊張:「我最怕講嘢,平時唱歌我都唔講嘢,今次好多對白要記,怕唔記得,盡量唔好發台瘟。」小恩子早前透露胰臟發現兩個良性腫瘤,幸不理會一段時間腫瘤竟然消失,並自然康復,她說:「通常病都係屈出嚟,照多幾次冇都變有。生死有命,要走就走,自己唔理,只顧開心同玩。有一日發燒入院順便檢查埋,兩粒嘢都冇咗,得返兩個印。」

馬浚偉指開心是良藥,高興小恩子康復,而今次合作亦沒有特別遷就她,馬浚偉說:「佢入娛樂圈比我還要早,係我前輩,早過我唱歌,唔使我遷就,而且佢跳舞好好。」兩人及一眾演員今晚亦示範劇中一場歌舞演出。

馬浚偉無酬倒貼20萬

馬浚偉表示,已接受兩劑疫苗注射,而且定期做檢測,確保舞台劇演員健康。對於10場的演出,放寬的7成半坐位門票幾近售罄,馬浚偉說:「其實要賣到8成半飛先回本,所以而家我都要蝕20萬,加埋自己冇酬勞,不過賺到小恩子啲飯盒,同埋佢幫我買厠紙。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner