YouTuber肥蛙訪匿名女藝人爆大台苛刻制度 認姜濤fans最想講︰香港加油!

更新時間 (HKT): 2021.05.30 20:00
(影片截圖)

近年TVB的老中青藝人不斷流失,連前輩汪阿姐都出聲叫大台監製不要用來用去都是那幾個藝人。90後的YouTuber肥蛙近日上載一段訪談影片,她找來一位自稱現職大台的女藝人,以匿名身份談大台的不公平合約及被雪藏等情況,更指出坊間流傳的藝人飯局價和潛規則。而這位匿名藝人,在匿名情況下才敢說出自己喜歡友台的姜濤及MIRROR,更大大聲想講︰「香港加油」。

肥蛙今次訪問了一位自稱現職大台的女藝人,對方以匿名身份大談大台苛刻制度。訪問一開始,匿名女藝人表示自己18歲時參加藝員訓練班入行,讀訓練班時每月只有1,000元車馬費,畢業後通常會簽3年約,每月只有5,000元底薪,一年要做30個show,即是平均每個月要做2至3個show,超出show額才以500元一個show計錢。至於合約方面,該名女藝人表示︰「普通藝員合約,唔可以去其他電視台,如果係經理人合約,所有嘢都要通過經理人。」

藝人飯局有價

肥蛙問到坊間流傳男、女明星出席飯局是有價?匿名女藝人坦言有這類飯局,她說︰「啲價開到好誇張,可能係100至200萬,除非有其他事情要做,小飯局可能係幾十萬一餐飯。搵開人去飯局嘅人,佢哋有個list,邊個女明星幾多錢。」她還指有不少藝人為爭取更多演出機會,會討好監製或高層,她說︰「呢行大把呢啲人,通常過時過節一定會送禮,高層同監製房都放滿果籃、月餅等乜都有,好誇張。」她更指一些女藝人藉食飯、休息時,向高層或監製獻媚,甚至「挨身挨勢」。

談到藝人的地位,匿名女藝人指演員在劇組中地位是最低,不及化妝師、服裝師和髮型師,甚至有人見高拜見低踩,在公司內嘗盡人情冷暖。而外界經常提及藝人被雪藏,問匿名女藝人通常因甚麼原因被公司雪藏?她說︰「刑事上嘅行為、亂搞男女關係,又或者呢個時代觸碰到任何政治關係,都要雪一雪。」她更指如被雪藏一年,全年都沒有派工作做,但解封後要償還那一年的工作,即使冇錢都要做,肥蛙指這份合約非常不公平,可是做藝人也沒有辦法,匿名女藝人更謂︰「難聽啲講句,佢話啱就啱,錯就錯。」

嘆少演出機會

談到做藝人有壓力,匿名女藝人坦言是有,指有時拍完一部劇後沒其他工作,懷疑是否自己做得差,感慨總是沒機會︰「經常見到好多劇集嘅主角都係外面嘅人,有個好好嘅角色;好似選完港姐,又有個好好嘅角色。我哋行行企企咁多年,一個小小機會都難遇到,成日都驚講錯、做錯而有壓力。」她更坦言藝人的工作時間長,曾試過三日三夜沒有睡要開工。肥蛙問她為何做藝人月薪少、工時長、地位又低,為何仍做這份工?她說︰「如果唔鍾意做,一早就走咗,無可能捱得到,留到5年以上,都係一定好鍾意演戲。」即使遇到要演一些不太好的角色,如奸角、第三者之類都不敢推工作,因為會被副導演向藝員部投訴,故此甚麼角色都要做。

姜濤fans

談到現時有多間電視台有競爭,匿名女藝人坦言是好事︰「有多幾個電視台有良性競爭,而家公司啲製作好似想打贏對台嘅感覺,多元化嘅節目,唔再係畀師奶睇嘅感覺,留意年輕人市場。」如果被友台挖角,她坦言一定會走。最後問她有沒有不能在電視台講,但以匿名身份最想說甚麼?她坦言大台的節目題材未夠創新,她還說︰「想支持下MIRROR,(表白呀!)我鍾意姜濤、Edan(呂爵安),唔能夠公開睇同讚揚佢哋,仲有就係香港加油。」

其實90後的肥蛙(Mandies Kwok)於2012年開始畫青蛙公仔「肥蛙」,並設計和推出自家製作的產品,之後轉戰做YouTuber開設個人頻道,拍攝生活點滴,連妹妹Candies(蛙妹)都步其後塵。肥蛙的頻道現時已有30萬訂戶,她亦曾被封為香港十大YouTube靚女的第五名,可見她甚有叫座力。

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner