格仔導演Mike攝影座談會變真人騷入門班 着鳳凰不死鳥Tee引女Fans集郵

更新時間 (HKT): 2021.05.30 17:34
(IG圖片)

ViuTV格仔導演Mike(劉諾衡)「自肥」成功,自《ERROR自肥企画》播出後,曝光率拍得住ERROR,甚至有人為他開fans club,自稱「格仔餅」。今日Mike穿起一件香港製造的鳳凰不死鳥Tee,出席攝影座談會介紹拍攝器材及分享經驗,他以《美女郊遊遊》及《大海男兒》兩套作品做例子,前者為追求畫面質素,抬大機上山,後者因為要下海,選擇了較輕巧的攝影機。

之後Mike分享兩節目的拍攝經驗,形容《大海男兒》過程更辛苦,但手法在香港是前所未見,但平時自信滿滿的Mike忠告,切勿挑戰大自然:「唔好挑戰大自然,拍咗兩日就知瀨嘢,拍攝係掌握喺天氣手中。」他說拍《大海男兒》時,會因海風、海浪等因素影響,甚至有機會上不到岸而使節目難產。

Mike又說拍攝旅遊節目,核心價值在於:「想話畀香港人知,香港有好多靚地方,亦都想話畀人知,難做都要盡力做,因為拍《大海男兒》真係好難。」座談會原意是介紹拍攝器材,不過Mike自稱有少少離題,分享了他拍真人騷的要旨:「真人騷要花好多時間長roll部機,去捕捉一啲度唔到嘅嘢。劇集係跟劇本,但我哋係度啲情景畀主持,但過程中發生咩事,我哋只可以大概估,但唔會完全諗到會發生咩。好多人會話,阿Mike拍嘢成日長roll唔知做咩,其實唔係,長roll係真人騷特色。」

座談會短短半小時結束,原本有發問環節,不過無人發問,Mike有點尷尬並兜底說:「證明我演講非常出色,大家都冇疑問。」最後邀請聽眾自拍,當中大部份是女聽眾,甚至有人舉「我係格仔餅」應援物。

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner