關嘉敏被指倒戈遭責感不快 無奈嘆「做乜都俾人話」

更新時間 (HKT): 2021.05.31 18:41

曾參與ViuTV節目《全民造星III》的Bingo成員關嘉敏(Carman)和陳康琪(Odilia),今日與糖兄妹、艾妮、尹光、敖嘉年等在尖沙嘴出席「音樂永續2020」計劃活動。Carmen在參加完《造星III》後就轉簽邵氏,被網民批評她倒戈相向,她表示簽邵氏是公司的決定,ViuTV亦從來沒有找她傾約。

Carman對被指倒戈感不開心:「呢樣嘢唔係我可以話到事,我係演藝行業嘅人,我覺得咁樣分唔係咁好,我參加咗《造星III》表現好,你哋就支持我,我轉咗台就覺得我好差,好似抹煞咗我嘅努力。」她又表示,參與《造星III》時,自己亦有付出不少努力和汗水,才造就一個表演出來。

做任何事都招人話柄

Carman將參與TVB一個拳擊節目,她透露每日都要練拳,「今日試咗對打,感覺係被人打到塊面好想喊,因為我未試過咁樣被人打,不過我覺得OK嘅。」問到會否擔心被人指這個節目是抄襲ViuTV節目《G-1格鬥會》?Carman帶點無奈說:「我而家嘅處境係做乜都俾人話,所以都係嗰句,盡力做好自己。」

此外,糖兄妹將於下月12日假海洋公園會舉行音樂會,為了這個活動作總結,他們將翻唱經典歌曲,屆時周國賢亦會擔任表演嘉賓。而艾妮則透露稍後會製作新歌,風格是虐心情歌,她自爆曾遇過一腳踏幾船的渣男:「當時佢講到好愛我,但情人節嗰日佢話要學車唔得閒陪我,我諗住買份禮物去等佢,但佢冇出現過,過咗幾個禮拜就分手。呢幾年都冇拍拖,我都習慣咗自己一個人,覺得獨居好舒服。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner