戲院入座率改善即遇政府新谷針預告衝擊 田啟文︰長期病患冇得入場?

更新時間 (HKT): 2021.05.31 19:24

本港疫苗接種率一直不如政府預期,上星期地產商出手,信和置業以千萬豪宅利誘市民打針。今日特首林鄭月娥同食物及衞生局局長陳肇始召開記者會,稱假如第5波疫情出現,或考慮限制未打針者進入食肆、學校、宿舍、圖書館、戲院等高風險場地,催谷市民打針。近日入座率稍有改善的戲院再受衝擊,有不具名的院商表示戲院不似食肆,不可以以堂食留客。

該名院商對政府的措施感到失望,不明白每次戲院都被針對︰「睇戲冇得叫外賣,亦唔係必需品,你唔畀冇針紙嘅人入場,人哋咪唔睇(戲)囉。」香港電影工作者總會發言人田啟文今日接受《蘋果》訪問時表示:「未知係點,咁樣講好空泛,要睇點執行、點推出,先知有冇影響。如果有個人,佢有長期病患,唔適合打針,咁佢冇得入場?又假設打咗針,入戲院時要睇針紙?太多嘢衍生出嚟啦,所以暫時冇嘢好講。」黃百鳴旗下Cinema City、林建岳的MCL發言人都表示「暫未有回應」,而戲院商會未有回應。

另外,下半年暫定上映的重頭電影包括︰《毒魔:血戰大屠殺》、《007:生死有時》、《壯志淩雲2》、《尚氣與十環幫傳奇》及《永恒族》等。

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner