KOLOR酒後吐真言丨Sammy變「人形海龜」 Michael爆阿昇飲醉踢爛酒店門

更新時間 (HKT): 2021.06.01 15:23

樂隊KOLOR日前剛完成3場九展騷氣勢如虹,尾場當晚他們還透露將入紙搶明年紅館檔期開騷。而KOLOR昨晚ViuTV播出《有酒今晚吹》中,Sammy、阿昇、Robin和Michael大談他們酒後笑料,Michael爆有次醉酒後自己回酒店,阿昇因找不到他而踢爛酒店門。

在昨晚節目中,四子透露喜歡飲酒,在開演唱會前會飲酒,Robin還爆Sammy會自備酒精測試機,曾試過一齊飲酒後,Sammy的酒精測試達50幾度,但轉頭很快又回落到20幾度,笑指他異於常人。

談到酒後趣事,Michael自爆有次在外地發生:「嗰次我飲到好醉但自己坐車返咗酒店,本來我哋約好一齊返去,阿昇搵唔到我好嬲。我喺酒店瞓咗,聽到有人好大力拍打度門,阿昇一腳踢爛酒店門。」Robin接着說︰「間酒店好流,第二朝早見仲揼爛牆,去傢俬舖買個櫃,諗住過到『骨』,但3日後我張信用卡就被人扣咗錢。」阿昇又指Sammy醉酒後好危險,因為他會像「人形海龜」般在沙灘上爬,翌日他才發現自己周身損,十分搞笑。

至於KOLOR早年因隊友高豐離隊,差點令KOLOR解散,Sammy說︰「當時高峰突然離隊,要搵人返嚟幫手,我同阿昇識好多年咪搵佢。」阿昇沒想到Sammy凌晨打給他,更沒想到他為此去會問居士,阿昇說︰「我打去問居士,因為佢年頭批過我,話農曆十月會有三個人坐船嚟搵我,話我會上埋呢隻氣船,當時覺得好奇怪。」Michael笑指阿昇加入才知道令KOLOR續命。

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner