講誓言爆喊遭恥笑 林泳淘嫁初戀男友 「我哋繼續相愛相殺」

更新時間 (HKT): 2021.06.01 02:00

恭喜晒!《東張西望》前主持、現年31歲的林泳淘日前跟初戀男友結婚,結束14年愛情長跑。她向來好保護另一半,昨日在社交平台上載的結婚相,終讓老公的樣貌曝光,只見新郎身形高大,外表俊俏。新娘子林泳淘昨日接受《蘋果》電話訪問,笑說:「𠵱家叫我林太,但我唔鍾意林太呢個名,有少少哽耳,所以大家都係叫返我泳淘啦!」

林泳淘透露新婚踏入第二日,給老公滿分,她說:「叫佢林生得喇,我覺得佢可以攞爆分,我都驚佢囂張,所以好難畀分,覺得佢已經係畀唔到一個分數。點解冇正面相?遲啲遲啲,未post到啫!」她原本計劃到外地結婚,但疫情關係只好作罷,不過疫情過後會舉行婚宴。

拒做少奶奶

日前林泳淘簽紙註冊,由於觀禮人數限定20人,僅能邀請少數親友出席,但過程很感動浪漫,她說:「簽紙嗰刻好冷靜,但一開始講誓言就喊,不過我老公好冷血,仲喺度恥笑我啲friend個個喺度喊。」問到會否一心一意做少奶奶?她說:「我從冇諗過做少奶奶,香港生活壓力大,唔可以結婚就將壓力轉移畀另一半,咁好唔公平嘅!反而結咗婚,大家組織家庭,應該要一齊去努力,如果將來有小朋友,佢就再努力啲啦!我哋對生仔好隨緣,社會環境咁,都唔急。」

發現八字夾

泳淘昨日亦在Ig發表新婚感受:「話說大約係一年前, 我同林生因為輪流炒車, 我就帶咗佢去拜拜還神,師傅見到我哋個八字就話,嘩,你兩個真係天作之合, 個八字咁夾嘅, 有冇諗住結婚呀?林生就好爽快咁話有呀!」她接着寫道:「事後先知,原來佢之前已經訂好戒指,只係疫情關係一直卡住喺外國成年幾都未寄到返香港, 跟住師傅好快就畀咗兩個日子我哋,而其中一個,咁啱就係我哋嘅拍拖紀念日,一切都是整定。」她還冧爆表示:「我哋應該會繼續相愛相殺直到海枯石爛, 直到生命終結, 直到永遠永遠。」

林泳淘原名林冬冬,曾以藝名林熙出道,是組合Lacee Lacey成員,後來參加2012年度香港小姐,落選後成為無綫合約藝人,曾擔任《東張西望》主持及J2《3日2夜》,憑好身材及正義感成為宅男女神。

娛聞樂陪你走遍全球追星,即Like「娛果」FB 專頁!
BannerBanner