播音皇帝李我出殯 胡楓憶識於粵語片年代:當時全香港人聽《天空小說》

更新時間 (HKT): 2021.06.02 11:04

「播音皇帝」李我於上月5日與世長辭,享年99歲,今日在香港殯儀館出殯,李我生前認為宗教皆是導人向善,但他沒宗教信仰,所以喪禮沒任何宗教儀式,今早9時半進行大殮,10時半出殯,並採用綠色殯葬,將骨灰撒在紀念花園。

李我太太蕭湘今早9時10分由家屬攙扶抵靈堂,為亡夫打點,她先跟在場傳媒打招呼便入內,而圈中人羅家英、丁羽、胡楓、俞琤、阮兆輝、李龍及黃夏蕙到場弔唁。羅家英稱跟李我叔認識多年:「我十幾歲就識佢,因為我跟老竇去飲茶,李我叔同我老竇好熟,佢哋會傾吓偈,到我老竇走咗,李我叔屋企有一個音樂聚會,間中會唱吓曲,之後都冇咩探望。對上一次見已經係十幾年前,不過我都有打聽佢嘅消息,知道佢喺老人院。」

羅家英讚李我叔是一個有才華的人:「佢書法寫得好、好有古典文學,我知道佢應該讀書唔多,但佢好聰明,對社會經驗好豐富,對香港及廣州嘅典故,佢都好有記性,記得好清楚,係時代見證,有好多風光歲月、名人見聞,佢都出咗幾本書。」講到商台一直有照顧李我叔,羅家英說:「其實商台對佢好好,因為李我叔係開國功臣,貢獻好多,係好少有咁好嘅老闆。」

問到是否有感是香港一個損失,羅家英無奈地說:「冇法子,因為都99歲,損失一定,係無可替代,我作為後輩,懷緬送一程。」講到近排有許多前輩離開,羅家英續道:「係呀!嚟緊普哥 (尤聲普)都在日內出殯。」

胡楓跟李我於粵語片年代已認識:「雖然冇合作過,但係大家識咗好耐,好傾得埋,我好欣賞佢,佢好疏爽、好開朗、好講得笑,亦都好欣賞佢嘅《天空小說》,係好吸引人,當時喺廣州風行電台12點幾播,當時係全香港人都會開住,我係好欣賞佢,覺得好難得,近年少見面,都係間唔中見一次。」俞琤跟胡楓一同入內,俞琤見到胡楓也很禮讓,主動跟胡楓打招呼。

早上10時44分,丁羽、羅家英、李龍、胡楓與阮兆輝等負責扶靈,一眾親友10時55分步出靈堂,由孫兒捧着遺照,陶傑及馮志豐行到後門位置,等靈車駛出作最後道別,李我叔的靈柩,移奉柴灣歌連臣角火葬場火化。

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner