Anson Lo稱姜濤需要私人空間 回應歌迷投訴會長疑中飽私囊:公司處理緊

更新時間 (HKT): 2021.06.02 16:21

人氣男團MIRROR的3位成員盧瀚霆(Anson Lo)、呂爵安(Edan)與陳卓賢(Ian)今日出席活動做健康精神大使,正在拍攝《假冒女團》的Anson Lo更一臉倦容,三子直言感恩多工作在身,希望大家能夠看到他們的努力,不過忙碌工作背後,他們有不同程度的壓力,現場他們更示範精神健康操,又分享各自減壓方法,Ian選擇搵家人朋友陪伴,Edan則喜歡找別人做聆聽者。

提到姜濤早前壓力爆煲令人擔心,經放假後近日已投入工作,並在IG搞笑報平安,Edan說:「佢OK嘅,我相信大家嘅心理狀況都幾好嘅,都面對到壓力嘅。 」Anson Lo則說:「姜濤好需要私人空間,係要一個人去諗嘢,通常一開始有壓力都唔好不停去鼓勵佢,等佢靜落嚟一陣先,當佢情緒好咗先去陪伴會好啲。」Ian指姜濤只是工作太忙兼太攰,休息一下,現在比以前開朗。

至於有指Anson Lo粉絲內訌,有fans投訴歌迷會會長賬目不清,疑玩弄權力及中飽私囊等多宗罪,Anson Lo表示經理人花姐有跟他提及事件,他認為:「每個人都有唔同意見,每個人對與錯嘅睇法都唔同,希望大家一團和氣。」問到會否親自出面調停?Anson Lo說:「喺社交平台已講過,唔係太喜歡見到人鬧交,希望盡快有解決方法,相信我嘅fans好乖。公司已經處理緊。」

本月9日是Ian的生日,他笑指早排工作時,得知自己原來跟唐老鴨同日生日,大感開心,他更獲贈滿屋唐老鴨公仔。他說:「生日要開工,可以喺工作中度過係好開心,又有多人陪,其實簡簡單單同屋企人食飯已經足夠。」問到女友盧慧敏有何表示?Ian說:「我哋唔係節日感好重嘅人,相信生日快樂都有句嘅。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner