中女唔易做丨康子妮洗碗慢拖冧食肆樓面 楊思琦花店摧花

更新時間 (HKT): 2021.06.03 23:21
(電視截圖)

康子妮及楊思琦繼續在ViuTV《中女唔易做》試試打工滋味。今集康子妮繼續到米線店工作,但由樓面轉到入洗碗房。開工前康子妮說平時愛洗碗乾乾淨淨的感覺,不過一埋位就大件事,在午飯時段高峯時段,要洗的碗碟源源不絕,一盤又一盤的碗碟不斷送入洗碗房,康子妮手忙腳亂,樓面及廚房多次提醒要快,但洗碗速度仍然未夠快,令食肆冧檔,最終前輩秋姐加入幫手洗碗,解決危機。康子妮之後說,又一次覺得要佩服米線姐姐。

至於楊思琦今日就獲安排到花墟工作,第一件事是要揀走狀態軟差的花並組合新一紮新花,但思琦手勢差,多次將花幹弄斷要修修補補,平時只需分半鐘完成的工作,思琦要用上30分鐘。之後思琦學插花,又幫手收貨、賣貨,最初店長稱讚好肯學,但賣貨時大跌watt,遇到客人有問題竟然叫客人問其他店員,結果被批評有啲兒戲。

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner