陳輝陽x28女聲紅館騷開賣半日售罄 多謝觀眾支持香港年輕人

更新時間 (HKT): 2021.06.03 20:02

音樂人陳輝陽首踏紅館舉行作品展,將於本月25日演出「陳輝陽x女星合唱作品音樂會 人來人往」,為28女星組成之「聖少三部曲」最終回,門票今早開賣,短短半日已火速爆滿。

今次主題是「有今生無來世」,只演一場完美作結,輝陽說:「超級開心,已經全場爆滿,尤其係次次都手慢買唔到飛嘅觀眾,當我哋嚟到紅館開騷,好多人第一時間撲出支持,話要過嚟我個音樂會度喊個痛快,呢次嘅觀眾多咗好多以前冇睇過《女聲合唱》嘅朋友,佢哋都話想支持吓啲年輕人,支持吓香港,我衷心感激佢哋,而家見疫情穩定啲,我會盡辦法開返多啲位出嚟,然後加推門票,回饋我哋嘅支持者。」

很多買唔到飛的樂迷到演唱會官網留言,紛紛要求加場,官網亦貼出黃牛炒飛價,貴飛$780炒貴一倍變$1,600,呼籲大家唔好買黃牛:「今日收到好多黃牛飛嘅猖狂message,究竟係邊個喪盡天良,折磨女聲合唱支持者,剝奪大家欣賞好show嘅機會,大家唔好幫襯黃牛啊,我哋絞盡腦汁諗緊辦法點擠到啲位出嚟,畀少少時間。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner