難忘採訪祥哥出殯

更新時間 (HKT): 2021.06.03 02:00

大姐明16歲穿三點式參加麗的電視(亞視前身)「沙灘小姐」,19歲剃光頭拍電影《社女》,行性感開拓演藝事業,20多歲加入《歡樂今宵》轉型搞笑,憑《蝦仔爹哋》成功入屋、38歲重返亞視娘家主持節目《今日睇真D》,直至40多歲患抑鬱焦慮症一度淡出娛圈,年屆64的大姐明,大半生都活得精采。

談到《今日睇真D》,她大讚當時亞視給她的酬勞是無綫的100倍,更大爆沈殿霞(肥姐)曾爆嬲冇份主持,不過提到最難忘,正是採訪新馬師曾逝世後鄧家爭產風波,她說:「祥哥走咗,兆尊又唔畀佢媽媽去殯儀館接觸祥哥,嗰晚祥嫂打電話搵我,叫我收工即刻去佢屋企,去到見到阿姐(汪明荃),跟住我哋兩個咪陪住祥嫂去殯儀館囉。」雖然酬勞可觀,但大姐明坦言「一啲都唔鍾意」:「我覺得我唔適合做記者,不停要求人,企喺人哋門口等,等人撳鐘開門,跟住鬧你,問候你祖宗十八代,仍然係笑口常開:『哈哈哈!係呀?幾好吖我娘親!』」

娛聞樂陪你走遍全球追星,即Like「娛果」FB 專頁!
BannerBanner