ViuTV《造美人》劉芷橋被恥笑「屯門公園嗰啲」 崩潰爆喊:我唔想做女人

更新時間 (HKT): 2021.06.04 20:02

由強尼、沈殷怡、練美娟主持的ViuTV真人騷《造美人》將於下星期首播。早前在ViuTV發佈預告片中,率先爆喊登場的30歲劉芷橋,自稱是網絡作家,她在節目中表示用了30、40萬去整容,不過就被評判團恥笑,指她是「整容失敗樣」及「屯門公園嗰啲」等,搞到劉芷橋再次崩潰爆喊。

劉芷橋在預告中已聲淚俱下表示要努力變靚成為女人,在下星期播出的首集中,劉芷橋作自我介紹時就講到自己近年為變靚,已做了箍牙、割雙眼皮及隆鼻等,當被問到整容原因時,她說:「之前遇過一個男仔,我同佢係性格上好夾,但佢最後都唔認我,係因為我唔夠靚,唔夠瘦。」

被恥笑整容失敗

劉芷橋又指因為唔靚,所以讀大學時已經被欺負,到返工後又因為放私影相上網而被取笑:「就係因為我嘅外表唔得,我要做到一個合格嘅女人,或者一個特別嘅女人,我係真係需要咁多努力去變靚,我先有資格成為一個女人。」雖然劉芷橋用了近40萬整容變靚,不過就得到一堆mean爆的評價:「整容失敗樣嚟㗎喎、屯門公園嗰啲、肚腩好大、有妊娠紋……」雖然為了測試參賽者心態是否夠強大才會講出這樣評語,但就搞到劉芷橋返回後台後再爆喊說:「我都想堅強,我都想愛自己,可唔可以教我點樣可以愛自己,點解我要係女人,我唔想做女人呀!」

另外,在地盤返工的OK在節目中表示因日曬雨淋致面部出了好多斑,她希望能透過節目可以「執返靚個人」,不過評判團就認為若要將她變成美人的話,工程大到同做架穿梭機冇分別。

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner