鍾培生寸嘴挑機:我啲拳好準 
林作加操打瘀眼 阿媽畀百萬勸縮沙

更新時間 (HKT): 2021.06.04 02:00
■林作(左)昨日獲教練Sam鼓勵,讚他打拳打得不錯。互聯網圖片

林作與「百億富三代」鍾培生的百萬擂台戰將於9月18日舉行,不過未上擂台兩人已在網上狂抽水,林作前日於社交網上載眼肚被打瘀的照片,留言指將這照片傳給身在內地的媽媽看時,林媽媽立即緊張致電兒子說︰「我畀100萬你,你唔好打啦!」看來是心痛兒子受傷,寧願自己破財為兒子擋災,不過林作就留言︰「大家覺得,我應該攞我老母100萬,定攞終賠生(鍾培生)100萬?」又問︰「我係裙腳仔嗎?」

唔靠樣食飯

帖文一出即引來網友熱議,有人寸爆問林作是否想縮沙,「𠵱家先縮沙,係咪男人?」、「你不嬲係裙腳仔」、「下次兩隻眼都腫晒先啦,你阿媽隨時畀夠200萬你」,但亦有人勸他不要放棄︰「你退賽就成世抬唔起頭」,也有人提議︰「先攞阿媽百萬,再攞鍾生的。」

林作昨日回覆《蘋果》時表示:「我絕不退賽,但我老母好驚我死係真嘅!佢對我好冇信心。」他續說:「我希望傳遞一句話畀全香港家長:千萬唔好咁教仔,溫室港孩,就會係窩囊廢,我有今時今日,全賴我從來獨立思考。」他又指若然退賽要作公開聲明,非常影響自尊。提到受傷經過,他乘機寸鍾培生爛面:「應該係練拳時打親,自己唔係好覺,只係返屋企見到,我細個運動都好多傷疤嘅,我唔會埋怨,我唔係靠個樣食飯,所以爛面都冇問題,不過就唔好好似鍾培生咁。」

教練叫加油

林作昨日網上出post,聲言絕不縮沙︰「重要的事情要講三次!我冇話要退賽,係我老母想我退賽!但我老母叫我飛裕美,我有飛咩?我係個有着獨立意志嘅真男人!」他的教練Sam貼合照鼓勵︰「7月加油呀!」又讚他有火︰「學咗咁短時間,真心唔錯。」而鍾培生則於Ig限時動態留言︰「放心啦!我啲拳好準,打嘴先!」

娛聞樂陪你走遍全球追星,即Like「娛果」FB 專頁!
BannerBanner