綜藝の鬼丨Mike導顛覆創作創造奇蹟 拯救保錡揸緊原則:唔好hard sell

更新時間 (HKT): 2021.06.05 00:00

ViuTV的《ERROR自肥企画》,注定在香港電視節目史上留名。

15集節目示範了很多顛覆性創舉:說是綜藝,引人發笑背後,卻斗膽在最後一集來個反轉,嚴肅叩問觀眾「娛樂是甚麼」,引來無數掌聲。當中還有創意式植入廣告、熱血救保錡大行動等,令觀眾又喊又笑,背後「無制限OT編集団」(下稱OT編集団)厥功至偉,尤其經常出鏡的「格仔導演」Mike(劉諾衡),日日為製作節目只睡兩、三個小時,正如他們改編的歌詞所講「For香港觀眾」畀埋條命你最好!

「無制限OT編集団」(下稱OT編集団)最近紅到成員的個人IG Story均有廣告賣,Mike導日前更在土瓜灣出席攝影座談會,活動過後抽空做訪問,身穿「鳳凰不死鳥」的本土T恤,與他節目中,經常與本地年輕創作人合作,如Jason Kui、Madboii等行動十分一致。訪問地點,他亦選擇了地道的茶記,多於同街檔次較高的西餐廳,原來Mike導出身草根,自幼在屋邨長大,現在仍與家人同住公屋。

與花姐兩度衝突 成經典場面

最近更有熱心人為Mike導在facebook開群組,不斷追看他以往的作品,如《花姐ERROR遊》系列、《美女郊遊遊》和《大海男兒》,不難發現,他的作品其中一大特色,就是將種種幕後的好與不好,都呈現在觀眾眼前。

《花姐ERROR遊》是Mike導首個擔正節目,承受的壓力遠超想像,「成個節目由0到100都係自己度,嗰時有唔識都係靠自己,因為花姐剛轉做經理人,作為監製,佢係冇參與太多製作,但拍嘅時候都有畀壓力,令我好辛苦。出trip每朝6、7點起身,拍到夜晚9、10點,沖完涼,仲覺得自己度嘅嘢唔夠好,每晚再度之後嗰日拍嘅嘢,真係瞓得一、兩粒鐘,仲要受監製壓力。」

其中一集,眾人去到日本的雪山,叫ERROR和花姐坐在雪地忍笑,花姐質疑Mike導節目效果,表示一點都不好笑,Mike導回敬「花姐」說「或者我可能啱呢?」,上司與下屬的衝突,突然在綜藝節目被呈現出來。觀眾才知道,搞笑背後,原來真的有好多「火花」,但同時亦會懷疑效果真偽,Mike導說:「係堅,唔係假,有諗剪唔剪出街,自己都掙扎咗好耐,但最後叫做到啲幾特別嘅嘢出嚟。」

到《花姐ERROR遊2》,另一個經典場面,是將花姐彈上兩層樓高,花姐威嚇「冇得升職」,Mike導說:「花姐把口的確唔想做,但身為製作人,佢都理解畫面會係好睇,加上我威逼,同用節目質素利誘佢。」但事前資料搜集,沒有見過其他人彈到咁高,「一嘢轟落花姐度」的滿分節目效果,完全是意外收穫。

公司無雪藏保錡

將「幕後」變「幕前」,違反了香港電視慣例,不過《自肥》的破格,何止這一樣?拍攝節目之前,ERROR成員保錡因為爆出「偷食沙律」事件,被網民批鬥,根據電視行業慣例,理應掟入雪櫃,close file。不過,ViuTV、ERROR以至OT編集団反其道而行,決定出手拯救,利用節目內容,為保錡度身訂做「自肥」計劃,學習一些外人眼中好像沒實際用途的技能,例如玩「搖搖」、片石仔,而最後跟Jason Kui學結他,總叫做跟演藝事業有關,但是否學成?其實無關重要,重要是讓觀眾看到,保錡背後的努力,既自肥又自強,可叫香港人借鑑。

保錡最後的真情剖白,更是感動人心,可說是成功「洗白」,令節目集搞笑、友情、熱血兼洗白功能,這又是否精心設計?Mike導原來有請示過公司,回覆是「唔會繼續雪」,OT編集団即刻出手:「當然有諗點幫佢,但好揸緊一點,就係唔可以hard sell,想畀啲挑戰佢,做唔到都照出街,片石當然係佢叻仔,片超過20下都係真。學結他出街,嗰啲感動說話唔係稿嚟,佢講得出,我又剪得埋,先有呢樣效果,出完街真係洗白咗,係一個驚喜,冇估到真係咁樣幫到佢。」

《啤.生與死》致敬《天能》

而節目中最「名留青史」的搞笑片段,絕對是「ViuTV一哥」何啟華的「鳳凰不死鳥」中了「地陷之計」一幕。其實挖洞整蠱是日本搞笑節目常用招數,觀眾觀看之時其實已猜到一二,但趣味依然不減之餘,Mike導更安排最後植入一個薯片廣告,令人笑破肚皮,觀眾在螢幕前的心聲跟193大叫出來的一樣:「咁樣植入式都得?」再癲的植入式廣告,是後來在《自肥》中的啤酒廣告,根據大台口味,賣廣告一定要「開心」、「好想要」,所以連綜藝節目都直接叫《開心大綜藝》,但《自肥》其中一集,贏了比賽的獎品是一噸啤酒,還貼心地即時用貨車送到你府上。所以ERROR決心鬥輸,擺明「嫌棄」贊助商的獎品,相信還是香港電視史上頭一遭,但出來的廣告效果,比大台台慶硬入食炸雞片段大得多。

「呢個係違反咗固有遊戲嘅邏輯。」Mike導這樣形容自己的節目。《啤.生與死》原來最初想致敬《天能》,要鬥贏再鬥輸,最終OT編集団意念一轉,覺得鬥輸更有趣,決定用最簡單的遊戲,讓四子體會輸的難處:「諗緊點令到大家鬥輸個心再勁啲,咁獎品就一定要(kam)!」結果OT編集団向贊助商埋手,亂噏要一噸啤酒,結果竟然成真:「我估計一噸幾萬蚊,但呢個(贊助商)一定係今次節目最大嘅得益者,好抵!」

「堅持」被無限解讀:自己體會

ViuTV董事兼總經理魯庭暉2019年曾經講過,現時的觀眾已不是極介意觀看植入式廣告,但都有分高低手:「外國有好多成功例子,但香港未見到有。」想不到兩年之後,被「自己台」Mike導成功做到。要繼續無限創新,Mike導認為做創作人要睇多啲:「雖然我話自己唔係睇好多嘢,但睇得多嘢絕對係有幫助,任何嘢都睇多啲。而我哋呢班人,係你要好敢去創新,講好容易,但其實好多嘢阻礙你,令你要點去唔怕輸蝕,你都要去做一啲新嘢,呢個都係難。」

說到底,創新還需要一份堅持,在《自肥》最後一幕用上黑底白字寫上:「致 一直還在堅持的人」,網民有無限的解讀,Mike導亦希望由觀眾去心領神會:「唔解釋太多,等觀眾自己體會,有時啲嘢唔使講得太清晰,喺好多層面上都可以感受到唔同嘅嘢。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner