林作狂操打拳𢯎贊助拉筋 網民鬧爆:搵40萬都諗縮數

更新時間 (HKT): 2021.06.05 16:34
IG圖片

林作近日積極為9月18日舉行百萬擂台戰操練,面對強勁對手「百億富三代」鍾培生,林作不敢怠慢,他日前貼出被打到眼腫又瘀的相片,仍然堅持不縮沙。加操過程,林作練到周身痛,昨日在IG貼文:「救急:本人經過一段時間練拳,現全身酸痛僵硬,急需要專業拉筋服務。本人在此緊急號召香港專業運動接筋界sponsor本人一個禮拜一到兩次的拉筋,本人定當為該店宣傳,並在9月得勝後再次公開多謝幫助。」林作希望𢯎贊助,有人免費為他拉筋,他續說:「撐我,等於撐香港人!在如此有意義的一日,請幫幫我,9月打贏食魚翅破壞地球生態嘅權貴!」距離「林鍾一戰」只餘3個月。

這個post一出,林作不但未獲網民同情,還被網民鬧爆,因為林作日前才貼出自己賣保險成績好,上月出糧有高達41萬薪金,竟然連拉筋錢都不捨得支付,還要求免費專業服務,網民揶揄:「自己就搵40萬一個月,人哋幫佢拉筋拉成個鐘,拉到手又痛,腰又傷,淨係得到林生幫手宣傳,人哋唔使食飯交租咩?佢搵咁多錢都咁折墮」、「人哋啲辛苦錢都要呃,睇你唔起」、「好心你就畀番錢人啦,你有冇搞錯,成日諗縮數」、「拉筋就支助你,買保險又唔洗錢咩」,有好心網民則建議林作可以去YouTube自學就唔用付錢。

林作今日回覆《蘋果》時不認自己拉筋𢬾贊助是諗縮數:「之前好多人有問我嘅,我揀唔落啫,而家覺得既然有就唔好嘥嘛,係咪先?有2個小時免費泊車我都攞埋,啱唔啱呀,咁多人都想幫我,何必自己無端端要去出面畀錢呢?交個朋友,多過兄弟都好吖!」網民斥林作月入逾40萬都貪小便宜,他竟解釋:「月薪係入,你未計我出啫,好多嘢都要我支付。新一期交稅都十幾皮,水機壞咗又整成千蚊,又要買狗糧,又要整部老爺車。每月使費都實在太多,我又要畀保險團隊開支,賺40萬我可能使咗30萬出去嘛!」其實林作的開支大部份是奢侈品,他還厚臉皮說:「阿媽又唔喺香港,大部份開支我頂緊!」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner