193「老婆」踩場入姜濤灣派雪糕 500人排隊應援新歌

更新時間 (HKT): 2021.06.05 16:17

ERROR成員郭嘉駿(193)早前推出新歌《睡到三點》,他的「老婆」(193fans)集資逾10萬元推出連串造勢行動,包括20個巴士站燈箱廣告,以及今日殺入早前變成「姜濤灣」的銅鑼灣派雪糕和應援物資。

大約近下午1時,已有百幾人在排隊等候,過了5分鐘,fans club工作人員示意雪糕車已停泊在後方位置,「老婆」們立即移步前往,秩序尚算良好。她們在雪糕車前排了一條長長的人龍,另一邊就排隊領取應援物品,包括印有193模樣的扇、濕紙巾、紙巾、紙袋等,短短一小時內,已有超過500人排隊。據雪糕車負責人林先生表示,今日租車費需要16,800元。

Fans club會長易小姐透露:「由193出新歌嘅時候,我哋就開始籌備物資。」但由於應援物資是由不同「老婆」自製,所以沒有特定數目。提到租雪糕車需要花費萬多元,易小姐說:「大約300人集資,燈箱、大電視同雪糕車,我哋每人冇特定畀幾多錢出嚟,要視乎返自己嘅經濟情況,有啲係學生,可能畀百幾蚊。」

易小姐由《全民造星》開始喜歡193:「當時好鍾意睇佢開Live,見佢一個人可以講幾個鐘,仲要係唔悶,依然好好笑,我就開始留意佢,鍾意佢轉數快。」提到193曾自嘲自己「廢」,易小姐坦言不認同,大讚他口才好。193早前寸爆大台的言論,易小姐笑言兩、三年前看到193的live已知他說話率直。

早前193在訪問中提到「老婆」們一度眼淺,無緣無故的愛更出乎他意料之外,易小姐說:「都感動,我想講唔係無緣無故㗎,關係係互相建立,當初佢對我哋好,我哋先會咁support佢,例如有時我哋去搵佢,就算佢好攰,佢都會陪我哋傾偈,好願意花時間同我哋相處。」

14歲的陳同學表示喜歡193是因為看過他的作品,發現他是個很努力的人,又指193十分愛惜fans,上次訪問中落淚覺得好感動,陳小姐說:「我唔覺得佢比其他人輸蝕,因為每個人都有自己優點,我鍾意193係靚仔得嚟又騎呢,呢個係佢特點。」

此外,阿Bi和阿圈表示喜歡193好感性,為人好真,好努力,「佢話無緣無故嘅愛,其實唔係,係靠佢自己努力得返嚟!」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner