【娛樂人物】Mike導 無制限向上爬

更新時間 (HKT): 2021.06.05 02:00

一個《ERROR自肥企画》節目,不但令ERROR爆紅、吳保錡洗底成功,更令經常在節目中出鏡的幕後人員「無制限OT編集団」受到關注,絕對是香港電視史上一個奇葩。主腦人物「格仔導演」劉諾衡(Mike導)在節目中十足遊戲人間,虐待幕前自娛,但實際是加入ViuTV短短五年不停默默苦幹,由低做起,結果是努力沒有白費,不但在公司升職加薪,更隨時有其他無限制的意外收穫。不是贏在起跑線上的Mike導,由今次成績再引證到,成功從來也不是僥倖。

撰文:嵐山、Cali L.

攝影:仇志德

入行短短五年的「格仔導演」劉諾衡,26歲便闖出名堂,由製作組最低層的PA(助導)做起。Mike導日前在土瓜灣出席攝影座談會,活動過後在茶餐廳接受《蘋果》記者專訪。上月《ERROR自肥企画》剛播畢,受訪當日,身穿「鳳凰不死鳥」T恤的Mike導帶來好消息,幾日前晉升為導演三級編制中最高階的senior producer。人工三級跳?他苦笑說:「絕對唔係,好冇誠意嘅加幅,但我睇法係,唔講其他電視台,因為未做過,𠵱家我做呢間(公司)真正有心做嘅人,唔係為咗錢,我係其中一個,大家都追尋緊一啲嘢。」

出身草根屋邨仔

曾有網民估計Mike導是「美國出世」、 「擁有美國籍」、「美國留學」,皆因在《大海男兒》和《自肥》比賽中,他每次都標示自己是美國選手,而Agent L則是澳洲選手,碰巧Agent L確曾在澳洲讀書。但原來Mike導是一位出身草根階層的「屋邨仔」:「我喺公屋長大,𠵱家都係住公屋,我會形容自己係比較貼地嘅一班人。」Mike導中學畢業卻未能晉升大學,跑去報讀多媒體創作高級文憑,是他首次接觸幕後工作,曾做過freelance節目助理,在微電影、港台劇幫手攝影、打燈,當年還不到20歲。不過,熱愛大自然的Mike導夢想是當生態攝影師。

讀完高級文憑後開始尋夢,見海洋公園聘請水族館實習生,便立即寄CV,可惜卻無回音。Mike導以為是經驗不足,去做獸醫診所助護,負責執屎,做了三個月心想「唔對路」便辭職。終於等到國家地理頻道聘請節目助理,但入職條件寫明要大學學位,Mike導二話不說就報讀Digital Media Top-up Degree,性質比較接近廣告製作。由於計劃半工讀,在求職欄中找了一份以為「好hea」的工作——NowTV PA(助導)。「嗰時心諗Now邊有作品,可以輕鬆有份工跟住去讀書。」當時香港電視圈仍然一台獨大,Mike導以為奸計得逞,但入職第二日即調組至真人騷《慳D啦Honey》,他首個任務是要到一間女性內衣店張羅拍攝道具,「估唔到咁忙,令原本讀年半嘅學位,defer咗兩年,因為兼顧唔到。我真係目標為本咁去讀書,結果係third hon(三級榮譽)畢業,最廢嗰個,叫攞咗個證書。」

做製作部最低層的PA,一定吃盡苦頭,但做人唔好怕蝕底,最後可能自己都有得着,《晚吹:真PK》便是影響Mike導最大的節目。其中一集要將曱甴放入幾個樽裏面,但平時用開的鉗忽然不見了,Mike導只好將活生生的曱甴徒手放入樽,「其實我好驚曱甴,本身係買杜比亞曱甴,捉捉吓見到屋企常見嘅曱甴,恐怖好多,但拍完之後,發現又唔係太驚。呢件事令我明白到,原來適當嘅壓力之下,你係做得到!」

失味覺一天喊驚

試煉也有失手的時候,Mike導曾將wasabi粉末濕水後變成一個球,咬了一口,舌頭部份味覺消失一整天,「係我經歷最驚一次,擔心成世都係咁。」

訪問中Mike導不止一次提到自己沒有內涵,靠的只是小聰明,由於剪接夠異類而獲得黃慧君(花姐)賞識,所以晉升速度比別人快。有消息指無綫曾經向Mike導招手,當時他拍攝的《美女郊遊遊》剛播出,亦是話題之作,他沒有否認,只說:「都唔考慮。」如果現在獲國家地理頻道聘用又如何?他思前想後說:「呢個問題好難答。」

第一take要夠真

至於「無制限OT編集団」來源是拍《花姐ERROR遊》時,撰稿麥可暉(阿暉)應Mike導要求為團隊起一個切合日本節目風格的名字,結果沿用至今。OT編集団守則除了「要保持心境開朗」,還有另一條「真人騷拍第一個take要夠真」,而陪Mike導走過所有節目的,只得阿暉。Mike導形容自己是異類,從阿暉身上找到一點與自己相似的地方,他形容這位兄弟:「係有內涵啲嘅一個人,我自己就冇乜。」

誤打誤撞發現幕後鏡頭得到觀眾歡心,結果幕後出鏡傳統,到《自肥》大豐收,助導Rain. P拍的日本暴走族對香港黑社會,Mike導主動開口講受到外界關注:「𠵱家多咗人留意自己,對自己同團隊壓力係大咗,點喺呢個半年,喺下個節目出街之前,可以令呢班鍾意自己嘅觀眾唔流失……真係估唔到有乜結果。」

娛聞樂陪你走遍全球追星,即Like「娛果」FB 專頁!
BannerBanner